第二胎重磅
上周五（ 25日），懷孕僅四個多月的 Kelly，坦言個肚又大又贅，體重亦重了十多磅。相比之下，懷孖胎的她的確未如懷第一胎時輕盈。
09年一索得男的潮媽陳慧琳，一直恨生女湊成個好字，遂接受人工受孕並成功懷孖胎，自此深居簡出專心養胎。上周五（ 25日），她罕有露面，到尖沙嘴出席新車發布會，還宣布腹中孖 B均是女兒。能夠如願以償， Kelly坦言老公劉建浩笑到蓮子蓉咁樣。
據知 Kelly今次懷住四個多月孖胎，並不如第一胎時般輕鬆，至今她已感到胎兒又重又贅，自己亦經常渴睡。為了提升身體狀況，現時 Kelly照足醫生的指示，每天做輕量瑜伽之外，又依足營養均衡的餐單進食。此外，為免胎重而扯鬆肚皮，還要比一般孕婦提早數個月佩戴托腹帶。母親果然偉大！
 
第一胎輕盈
09年 3月，當時已懷孕近 5個月的 Kelly，出席首映禮時身形依然苗條，腹部僅微隆。《蘋果日報》圖片
38歲的陳慧琳近月一直嚴格遵守醫生的指示，要小心飲食，以免令胎兒太重而出現高齡產婦易有的高血壓及妊娠毒血症狀。現時懷有孖胎僅四個多月的她，體重已經重了十多磅， Kelly為此亦十分緊張。據知情人士透露，「 Kelly佗住孖胎，所以全家上下都特別緊張，每隔個多星期 Kelly就去醫生度檢查一次，又成日同醫生講，話個肚好重。醫生話一般孕婦懷孕八、九個月至戴托腹帶，但叫 Kelly依家就已經可以開始戴。到咗懷孕後期，仲可以用啲覆蓋範圍大啲嘅托腹帶㖭。」

堅持餵人奶
上周五（ 25日）， Kelly罕有出席活動，為貪靚更不惜穿上近 3吋高踭鞋，其經理人鍾珍更全程貼身侍候。 Kelly表示已開始搜購雙份的 B女嬰兒牀和奶樽等用品，又表示經常有渴睡情況，「今次個肚好重好贅，同埋大得好快，幸好冇腰骨痛。有時喺屋企梳化挨低都唔願起身，好易攰，要盡量休息多啲。（考慮餵人奶？）係呀，照餵！（擔唔擔心奶水唔夠？）盡力而為啦……未諗點谷奶，都係努力食鈣片。」如願生女的 Kelly，更百無禁忌說：「順利生完出嚟先，三個喇，仲生咩！」之後她又大談老公希望孖女將來沿用單字的名字，果然幸福滿瀉。
據知體重急升的 Kelly還請教了醫生，每天在家做不足半小時的輕量瑜伽動作，有效強健身體及伸展四肢，藉此為未來數個月的沉重孖胎負荷做好準備。「 Kelly都怕個肚愈嚟愈大，自己連行都冇力，所以咪叫老公喺 HMV買定一套專俾孕婦學做瑜伽嘅 DVD，每日盡量抽少少時間練習，做吓簡單嘅拉筋動作囉！」知情者說。


Kelly懷孖胎後深居簡出，仍作有限度工作。去年 11月，懷孕兩個月的她就抱住小朋友拍攝金至尊新廣告（上），而上月她又拍住李克勤為香港迪士尼獻唱。

經理人傍實
活動當日，視 Kelly如女兒的經理人鍾珍全程貼身傍實，十分緊張。
放大圖片
 
貪靚的 Kelly不惜着上 3吋高踭短 boot，好彩鞋款是粗踭，並非斗零踭。


暫難抱囝囝
Kelly表示目前不可以抱囝囝劉昇，而囝囝現時還未知道自己快將做哥哥。
 
 
老公蓮子蓉
一直恨生女的 Kelly說：「唔使再生，老公同我都鍾意女，佢知係孖女都蓮子蓉咁。」


專揀闊身托腹帶
據知 Kelly所選的托腹帶屬於闊邊和覆蓋範圍較大，且背部承托力強，適合懷巨肚的孕婦使用。價錢約$600至$800不等。


跟學瑜伽
現時 Kelly會依照一套在 HMV購買，專教孕婦做伸展動作的瑜伽 DVD（$125），每日在家跟住學做約半小時運動。
 
媽咪煲定靚湯
Kelly所懷的雖然已是第二胎，但全家上下均未有鬆懈，其中 Kelly媽咪就早已為愛女物色一些有經驗的陪月，還不時煲滋潤的花膠水鴨湯送上門給 Kelly飲用。提到怎樣去補身， Kelly則說：「醫生特別開雙倍分量嘅鈣片俾我，另外我會勁飲奶，食粟米片同飲多啲湯水。」


營養餐單
 
Kelly佗住「孖寶」女兒，身體所需的營養要打孖上，她坦言現時對甜品和零食全無興趣，反而最多食番茄和粟米片，而鈣片亦要雙倍。

早餐
鮮奶麥皮/鮮奶粟米片
薑汁蜜糖水
芝士/火腿蛋三文治

午餐
蒸魚
清炒蔬菜

下午茶
番茄長椒長通粉/番茄芝士三文治


晚餐
蒸雞肉/豬肉
蒸魚
清炒蔬菜
淮山杞子花膠水鴨湯/響螺雞腳豬肉湯

陳慧琳懷雙胞胎急重十斤 戴托腹帶防肚皮松垮

陳慧琳接受人工受孕成功懷雙胞胎
09年生子的陳慧琳一直想再生女湊個好字，所以接受人工受孕成功懷雙胞胎，自此深居簡出專心養胎。2月25日她罕有露面，到尖沙嘴出席新車發布會，還宣布腹中胎兒是女兒。能夠如願以償，陳慧琳坦言老公劉建浩十分開心。

據知陳慧琳此次懷著四個多月雙胞胎，並不如第一胎時般輕松，至今她已感到胎兒又重又贅，自己也經常渴睡。爲了提升身體狀況，現時陳慧琳照足醫生指示，每天做輕量瑜伽之外，又依足營養均衡的餐單進食。此外，爲免胎重而扯松肚皮，還要比一般孕婦提早數月佩戴托腹帶。母親果然偉大！

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄