話說早個星期，話晒仲係新正頭，媽咪姐同幾個行家趁住得閒，走咗去大埔，諗住行番個大運，去許願樹掟吓寶牒，希望兔年順風順水。當日其中一個行家仲拖男帶女，媽咪姐係話佢啲狗呀。嗰日真係好多人，當時我哋前面有個身材高高嘅女人，身邊仲有個十歲左右嘅細路女，細路女一路行一路望番轉頭睇啲狗仔，之後索性踎低同啲狗仔玩。其間佢見阿媽冇等自己行咗去，就大聲叫住媽咪，不過嗰個阿媽竟然一啲反應都冇，一味自己向前行。細路女見阿媽冇睬自己，只好唔再同啲狗狗玩，嘴扁扁咁追上前。當時大家都覺得咁點做人阿媽呀，就咁留低個女？突然其中一個行家眼利，發覺呢兩母女原來係「唔靠你」同「小蛇女」呀！
吓，唔係嘛？「唔靠你」一直都話好錫個女，好緊張個女喎！但睇佢當日對個女不瞅不睬唔緊唔要嘅態度，一啲都唔似盡責嘅阿媽所為。唔通又係講一套、做一套？

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄