娛樂八掛大放送★

李思捷王浩信「換畫」法拉利Audi鍊番轉

李思捷、王浩信在新劇互換老婆，私下又換車，其中思捷豪花110萬元換二手紅色F575法拉利，浩信則以逾60萬換了四門Audi A6新車，新一年換「新寵」，二人聲稱獎勵自己。

無綫藝人李思捷與王浩信去年成績理想，前者憑《福祿壽》上位，今年又開演唱會，後者娶得藝人陳自瑤兼快做爸爸，他倆因合作無綫新劇《換樂無窮》而成為好友，加上新劇情節是互換老婆而成為「襟兄弟」。

被屈玩女唔介意

新年將至，二人思路一致，「換車」作為獎勵自己的禮物。思捷豪花110萬元換了二手紅色F575法拉利，浩信則以逾60萬換了四門Audi A6新車。

日前他們各自駕駛「新寵」試車，其中思捷談及男人通常都是玩車、玩錶，但說到女人，他鮮有地提及另一半「春卷」（王宝宝）：「女人已經成日屈我玩，冇所謂啦！（春卷會唔會介意？）同我Close嘅人會好明白，佢好犀利，佢九成朋友都係男仔，有高有矮、有肥有瘦，我喺佢身上學咗好多嘢，我都要跟佢學嘢！（你唔介意？）唔介意，靚女梗係多男朋友。（幾時結婚？）未諗呀！好享受依家生活。」

而快做爸爸的浩信則狂讚老婆陳自瑤，他表示換四門車是為了女兒、老婆而做柴可夫：「之前單門車，車屋企人都唔方便！」他又大讚老婆有齊「跑車」的靚和「四門車」的實際：「我老婆咪係兩者混合囉！佢出席場合可以扮到好靚，喺屋企佢又打理得好好，人又細心，煮嘢好食冇脾氣。」

影視組

李思捷豪擲110萬，買下二手F575紅色法拉利「溝女」戰車。

王浩信買了四門Audi A6新車，準備為女兒、老婆管接管送。

李思捷（左）和王浩信齊齊換車過新春。