娛樂八掛大放送★

有話兒：梁詠琪 100分新生

有人說婚姻是女性的終身事業，結果梁詠琪（ Gigi）於上年初的一次散心之旅中，巧遇其終身「老闆」，西班牙籍的 Sergio，二人在上年 10月 3日拉埋天窗，前後拍拖僅僅五個月，她坦言已婚三個多月，老公做人積極又正面，讓她可以放心百分百做回自己。撰文：文國駿

日前在內地忙於拍攝電影的 Gigi，抽空回港為新片《傾城之淚》宣傳並接受本報專訪，大爆婚後心聲。在剛過去的 2011年，多位藝人結婚，圈內一股結婚潮，當中梁詠琪與 Sergio這一對備受注目，全因兩人只拍拖五個月便決定閃婚，當時消息一出震驚娛樂圈。其實他們的相識經過也有點像電影橋段， Gigi上年 2月完成香港的演唱會後，放大假到西班牙旅行，其時她與美國男友分手不久，被外間認定這次旅行是療情傷，怎料 Gigi卻在這次旅程覓得真命天子，緣份的確是要來便來，阻止不了。

嫁個一百分老公 放大圖片

梁詠琪去年與 Sergio拍拖僅 5個月就在西班牙閃婚。資料圖片

訪問當日， Gigi雖然要連趕數場，但仍臉不紅氣不喘，時時刻刻帶着甜到漏的笑容，全因她在 2011渡過了豐盛的一年。 Gigi說：「 2011年係我人生入面最開心嘅一年，因為我喺自己成熟嘅階段，啱嘅 timing遇到一個好啱嘅人。所以外間有人話我哋只係拍拖五個月就決定結婚好似快咗啲，其實我覺得唔係快同急，只不過大家都係入咗感情直路，暢通無阻，對未來信心十足，所以咁快有結婚呢個決定。」結婚至今三個月多，問到 Gigi過了試用期後給老公多少分時，她開始對記者進行有讚無彈式「轟炸」，但觀乎 Gigi一談起老公便笑不攏嘴，相信她的話可信程度甚高：「絕對係一百分！佢真係好好，好錫我，而且佢又係一個好正面同積極嘅人，我喺佢面前好放心，可以百份之百做番自己。」

每天愛你多一些

Gigi又不怕肉麻的表示，雖已婚一段時間，但感情及心思絕對有增無減，更明言每天也會盡力為這份愛情加溫：「我哋仲係有熱戀感覺㗎，會好努力為對方製造驚喜，兩個人仲要對一世，生活上一定要有情趣，好似我去邊度做嘢都好，佢都會親自訂花送嚟畀我。」婚前婚後可覺任何轉變？ Gigi表示自己的心比婚前更加安定，工作起來更有自信：「結咗婚對我影響真係好大，就好似無論出面工作點辛苦都好，仲會有另一半支持住我，畀到信心我去做想做嘅事。」在婚前曾有指 Gigi會跟隨老公到西班牙定居，但後來卻是老公為她而留在香港，為的是希望有多些相處時間，此舉令 Gigi大為感動，亦令她下了決定，在今年將會放慢腳步，只會接一些非常感興趣及有意義的工作。 Gigi為了老公甘做小女人，她笑言：「咁我事業心一向唔強嘅，老公留喺香港陪我嘅原意都係想大家多啲時間見面，我冇理由仲用晒所有時間去工作，咁樣對佢會好唔公平。有時離港太耐嘅工作我都會推，個人深閨咗，收工冇乜事做就返屋企，哈哈！」

放大圖片

已嫁為人妻的梁詠琪甘為老公做小女人。

放大圖片

梁詠琪與老公均愛小朋友，相信他們的愛情結晶很快來臨。資料圖片

父母不心急抱孫 放大圖片

梁詠琪將於今年 5月首度在台灣舉行售票演唱會。資料圖片

問到 Gigi老公有否勒令她訂下引退時間，專心為老公生個混血 BB時， Gigi坦言與老公也非常喜歡小朋友，故一定會生，但並不心急：「其實都有好多人問過呢個問題，雙方面嘅家長都冇催，我哋一定會生，但唔急喺今年，呢啲通常越諗越難發生，所以都係順其自然啦！」

臨時拉夫拍《傾城之淚》

談到電影《傾城之淚》的拍攝趣事， Gigi笑言自己其實是被導演黃真真臨時拉夫般拉入劇組：「電影喺 8月開始拍，真係兩至三個月前話有個角色好急想搵我演出，不過時間真係啱啱好，拍埋先結婚。不過開拍嗰時情緒都有少少影響，好彩老公有專程去到上海探我班，真係令我輕鬆咗唔少。」

練習拉小提琴 放大圖片

梁詠琪參演電影《傾城之淚》與任賢齊、姚珏合作，並要拉奏小提琴。資料圖片

戲中 Gigi飾演一名成功的音樂家，後來卻意外失聰，她表示為了拍攝拉小提琴時動作更似樣，特別於開鏡前個多月重學拉小提琴，她表示頗有難度：「我細細個有學過，但放低咁耐要跟番進度真係好難！」


梁詠琪獲老公遷就留港生活，當然時刻甜在心頭。攝影：陳志嵐

場地提供： AL MOLO RISTORANTE ITALIANO MICHAEL WHITE（海運大廈）