黃竹坑 6:45pm趕住接女
正印 Stephanie朱
本月初（ 3日）周柏豪喺黃竹坑 I.T office樓下，用佢部 Audi戰車接正印女友 Stephanie朱收工，之後雙雙返將軍澳日出康城。
周柏豪出道 5年，緋聞女伴多多，最經典係去年頭跟何家超雲和最近傳得似層層的吳雨霏。
不過原來柏豪和吳雨霏只係散玩性質，實情一直收埋一位拍拖四年，任職時裝王國 I.T的癡情女友 Stephanie朱，兩人感情穩定兼已秘密同居多時，近日兩人更由將軍澳居屋搬去日出康城。
癡情 I.T女深信周柏豪專一，為保男友事業更甘心做隱形女友，睇嚟周柏豪要修心養性啦！
27歲的周柏豪，由 07年出道至今，最出位都係去年頭同陳山聰喺微博駡戰爭超雲，如今陳山聰已成未來千億女婿，而周柏豪亦有傳跟吳雨霏撻着，各自各精采。
收埋真豪嫂
周柏豪雖然與 Kary發展地下情，但原來柏豪對街外女友都只抱散玩心態。知情人士透露：「柏豪其實有個拍咗幾年拖嘅女友叫 Stephanie朱，佢喺 I.T鞋部做 buyer，成個 I.T office都知佢同柏豪拍咗好耐。四年幾前，柏豪去一個 I.T搞嘅 party識咗 Stephanie，冇耐兩個就拍拖啦，雖然柏豪喺出面成日有女埋身，不過 Stephanie好信佢，有時會同同事講柏豪對佢有幾好。 Stephanie個人都好低調，同柏豪一齊時都好小心，佢話驚會影響柏豪，咁多年嚟淨係有次同事結婚，佢哋一齊去飲先坐埋一齊咋。」
搬離居屋
前年本刊曾踢爆周柏豪一家四口加埋女友，五人蝸居將軍澳居屋，當時冇錢冇名氣，事隔 2年，柏豪潮男愈做愈出位，本月 17日又將舉行首個處男個唱，終於搬出嚟同女友同居，兩人早前更已搬到將軍澳日出康城，實行二人世界。
週日（ 8日），周柏豪出席天水圍一個活動時，本刊問他是否租住日出康城的單位與女友築愛巢時，周柏豪一聽見立即搵助手擋駕及即時閃入升降機走人。女友咁為得你，怕乜公開喎！
柏豪深宵拒超雲
去年頭周柏豪跟何超雲傳得火熱時，據知超雲曾深夜致電柏豪，但當時瞓到矇矇矓矓的柏豪，竟將電話遞給身旁的女友接聽，導致超雲異常憤怒，之後始放棄跟周柏豪再發展，轉投陳山聰懷抱。
留言列表
{{ article.title }}
