2012年01月11日

神劇《天與地》雖已在元旦（ 1日）播畢，但仍獲網友狂解讀 myTV又破天荒足本播足一個月，大結局至今點擊率 72萬，係新劇《換樂無窮》 6倍。
在劇中飾演陳豪女友 Jessica的朱慧敏（ Queenie），憑其精明但癡情的證券經紀角色獲網友大讚，入行 7年終撇甩花瓶之名。 04年港姐亞軍、現年 30歲的朱慧敏，更係神級監製戚其義御用愛將，愈撈愈有。
可惜新紮花旦有隱憂，朱慧敏因外婆、母親和姨姨兩代都死於乳癌而變高危，為防癌曾考慮切胸保命：「我廿歲時已經諗過做手術（切除乳房），一了百了。」


要錫自己多啲!真實對白


天與地彈起
《天與地》中朱慧敏被陳豪壓玻璃強吻一幕，當日阿戚（戚其義）同陳豪試戲，阿威將陳豪 㩒低扮錫，兩個男人試一次畀佢睇！

近年 TVB一 綫花旦四散，造就一班姐仔小花有位攝，而朱慧敏亦劇接劇冇停手，更試過一年拍七套劇。 10年及 11年分別憑《飛女正傳》的大咪 OL和《點解阿 Sir係阿 Sir》的黑幫阿嫂角色，獲兩度提名「最佳女配角」獎，家到《天與地》「癡女」 Jessica又再食糊。

朱慧敏在《天與地》飾演股壇長勝但情場輸盡的 Jessica，不斷被陳豪利用，朱說：「 Jessica好似心甘命抵，我自己覺得佢好傻，要錫自己多啲。」

癡男 Eddie


去年年中朱慧敏多次被拍到與 EO2成員 Eddie飯聚行街，有指男方苦戀 7年始奪芳心，但朱回應：「我同佢只係朋友。」

富商甩拖


《壹週刊》圖片

09年朱慧敏與台灣 I.T.才俊 Rick Chang拍拖不久，便傳出婚訊，不過去年年尾傳出二人分手消息，而朱則說「感情事唔想講太多」。

反面教材

劇中做癡女，但朱慧敏反而覺得 Jessica係反面教材：「我都係一個好癡心 嘅人，對愛情好專一，我都有過唔開心 嘅經歷。拍拖應該係開心 嘅事，如果我要愛得咁辛苦，咁單身都可以好快樂！」講 Jessica頭頭是道，但對於台灣富商男友和疑似新男友、前 EO2成員 Eddie拍拖，朱慧敏卻好口密：「我一直都唔講感情事！」
《天與地》收得，可惜要等到年尾搶獎蝕底。「我都慣 咗囉，『一命二運三風水』，如果我係初初入行就會唔開心囉！我開心套劇口碑好，大家拍攝又好開心，網上 嘅評論又有讚，獎項我真係冇諗。至於被禁播，其實都係一個成功 嚟 㗎， 22年來第一個（劇）被人禁播都幾型！」

母親支持

朱慧敏雙親早年離異，朱自幼與母親（圖左）相依為命，母親後來改嫁日籍商人（圖中），朱參選港姐時二人亦有到場支持。

乳癌折磨


《蘋果日報》圖片

05年 48歲嘅朱母患乳癌過身，朱慧敏曾在訪問中表示勸過母親割掉乳房免受痛苦，但朱母最後在朱離港工作時過身，成為朱的遺憾。

切乳保命

事業露曙光，但天生帶有遺傳性乳癌基因的朱慧敏，卻一直擔憂乳癌奪命：「婆婆、媽咪同阿姨都先後因為乳癌過身，醫生都話我有咁 嘅 gene（基因），惟有勤 啲每半年做 body check。我廿歲時已經諗過做手術（切除乳房），一了百了，但家當然會想等到結婚生 咗仔之後先啦！家整形科技咁進步，義乳都可以好 nature嘅！」難得朱慧敏積極面對，實有好報嘅！


朱慧敏 04年奪港姐亞軍（左一）入行，同年冠軍係徐子珊，「我去選港姐時，當時何麗全（前港姐大會統籌經理）面試時，我已對佢講『拍戲係我嘅夢想』。」《忽然 1周》圖片


5呎 8吋高的朱慧敏，早在 15歲時已為 part-time model，後來更獲唱片公司邀請試音做歌手，但朱選擇到美國華盛頓大學主修新聞，後來以參選港姐入行。

三劇開催

朱慧敏雖有 5呎 8吋高 model身形，但很怕被定型做花瓶角色。「我都唔想做花瓶，但公司畀咩角色我，我就盡力演好佢囉。」拍過劇情片、搞笑喜劇和處境劇，戲路愈來愈廣，緊接三套劇等出街，總算守得雲開。

玩遺憾

由恩師戚其義監製、將在月底播的《 4 In Love》，《天與地》演員班底再洗牌，今次朱慧敏改配黃德斌。「我同德斌係一對初戀情人，因為 timing嘅問題而分開，總之係天意弄人。」

2選 1

在去年底開拍嘅《女警愛作戰》，朱慧敏扮演交通女警，跟周麗淇、呂慧儀、王君馨合演女警七姊妹

在去年底開拍嘅《女警愛作戰》，朱慧敏扮演交通女警，跟周麗淇、呂慧儀、王君馨合演女警七姊妹。「我飾演一個結咗婚嘅女沙展，遇到事業同家庭要二選一、比 Niki佢哋嘅角色成熟啲。」

姊妹情

朱慧敏改為鍾嘉欣的心理醫生

被譽為《點解阿 Sir係阿 Sir》外傳嘅《護花危情》，在《點》劇做黑幫阿嫂嘅朱慧敏改為鍾嘉欣的心理醫生。「嘉欣演的 Miss Cool在劇裏有抑鬱症，而我係負責開導佢，監製（劉家豪）想延續番上集我哋嘅姊妹情。」

採訪、撰文：孫月華
攝影：范仲良
形象： Bryan@the Flaming
化妝、髮型： Jessica Yuen（ OASIS STUDIO）
服裝： Sovereign Romance@Fasherati、 Karen Millen

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄