阿 B好嘢！設計對白
人緣唔錯嘅千嬅，多次贏得叱咤「我最喜愛的女歌手」，今次缺席都有獎攞，莫非真係肚入面個龍 B好腳頭！《蘋果日報》圖片

叱咤頒獎禮本週日（ 1日）舉行，正在放大假的有喜楊千嬅事先張揚 9成 9唔出席，專心安胎。
勁敵唔到，一心諗住攞硬「我最喜愛的女歌手」的容祖兒全晚表現風騷，點知千竟然出招搶獎，忽然自稱會在台上宣布自己即將做媽咪，而商台亦識做安排千嬅攞「我最喜愛」做賀禮。
諗住一家便宜，但據知千嬅奶奶臨時唔畀佗 B新抱冒險出街，一直安排妥當的商台，焗住照畀獎甩底愛將，難怪祖兒話：「我個頭好痛！」

自 04及 05連續兩年贏得「我最喜愛的女歌手」獎後，祖兒有成 6年未攞過，上年更開到口想重奪呢個由聽眾投票的大獎，「我同呢個獎一向無緣，我好想林海峰頒畀我，希望下年攞得到！」

 

放大圖片
 

臨時轉陣
叱咤當日近六時，即叱咤開騷前兩個半鐘，千嬅才知道去唔成頒獎禮，於是改喺微博報喜。

放大圖片
 

 

放大圖片
 

事後頹爆
冇得做「我最喜愛」，容祖兒出席慶功時全程扁嘴冇晒心機，七奪金獎都唔高興！

放大圖片
 

事前風騷
事前祖兒兩度上台攞獎，未知失獎嘅佢全晚表現興奮，表情多多。

祖兒失望上面

由現場改為網上投票，叱咤的投票機制透明度大減，據知今年的票數一直由祖兒領先，而佢自己亦心中有數，坐定粒六等攞獎。戴咗個粉紅色假髮的祖兒，當晚表現興奮，不斷拍手為其他歌手打氣，見到御用監製舒文得獎時更感動到喊，激動過自己攞獎。
拎到一首歌曲獎及女歌手金獎後，等住連中三元的祖兒聽到森美宣布千嬅攞「我最喜愛」時，即時失望到冇晒心機。「千嬅同商台關係不嬲好好，雖然佢大住肚，但都應承會出席，而且仲講明會喺台上宣布佗 B喜訊，商台知道後梗係開心啦，咪保證會畀個獎千嬅囉！」知情人士透露。

 

人「丁」單薄

唔知偶像去唔去，所以得約 30名粉絲到場支持丁太，當森美對住電話向在家安胎嘅千嬅宣布得獎一刻，坐足成晚嘅粉絲即時瘋狂舉牌示威。

 

放大圖片
 

 

放大圖片
 

 

2個半鐘前通知

有獎攞又有得威，千嬅在頒獎禮前幾日已諗定當日衣着，可惜奶奶知道後非常反對，堅決唔畀懷有丁家血脈的千嬅出門。「千嬅好想親口同大家講就快做媽咪，而且佢好想去頒獎禮見吓班朋友高興吓，不過佢奶奶發晒脾氣唔畀出門口，千嬅惟有臨時打去話 嚟唔到！」
一句唔去搞亂全盤計劃，已安排一切獎項和道具諗住大搞的商台，惟有焗住照頒獎畀千嬅，而千嬅亦改變策略，由原本上台公布喜訊變為微博發聲明報喜，難怪容祖兒於慶功宴亦顯得不滿說：「我個頭好痛，好似飲完酒咁，你（記者）問完未呀！」到手大獎輸畀千嬅個 B，畀着我都頭痛啦！

何詩認衰 𤓓

早前因自己首歌入唔到叱咤歌曲十強而公開鬧爆商台的何韻詩，事前態度堅決表明唔出席，估唔到一向懶有性格的何詩，同商台傾掂數後，竟然當冇事發生照樣現身，攞「女歌手銅獎」時在台上更耍晒冧解畫，「我好似一個好反叛小孩子，帶來好多麻煩，就算呢個地方有好多不同意見，我都係出於愛！」。講完一輪「肺腑之言」，何詩在慶功宴第一時間向商台高層甘菁菁敬酒扮矮仔。又要威又要戴頭盔，好冇性格囉！

 

放大圖片
 

慶功敬酒
何詩一臉誠懇同商台高層陳靜嫻（左二）及甘菁菁（左一）敬酒，講 EQ，邊個夠阿詩高？

放大圖片
 

Kary墮馬
原本頂替何詩攞「女歌手銅獎」的 Kary，因何詩與商台傾掂數，慘被降呢只得歌曲獎。

放大圖片
 

台上道歉
自稱唱歌唔係為獎，但何詩前言不對後語，鬧爆商台後又乖乖出席，仲自認麻煩，果然能屈能伸！

Eason幫柏豪攞「男銅」

論人氣及知名度輸畀張敬軒同古巨基一班前輩的周柏豪，能夠奪得男歌手銅獎，除 咗勝在非常配合商台，每次有活動都一定現身撐場外，更要多得 Eason幫手向商台高層及一班 DJ拉票。據知 Eason同柏豪師傅陳輝陽非常老友，重情義的 Eason一有機會就推薦柏豪的歌，睇怕柏豪都要請 Eason擦餐勁報答恩人！

 

放大圖片
 

Eason同柏豪在慶功宴合照時，忍唔住豎起手指公畀 like對方。

放大圖片
 

陳輝陽（右）為 Eason作過〈 K歌之王〉等 hit歌，兩人私下亦 friend爆，經常約埋食飯吹水。《蘋果日報》圖片

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄