早前同圈外男友黃敏豪低調註冊成婚嘅Toby梁靖琪，上個禮拜二（十二月六日）响尖沙咀洲際酒店筵開五十三席補擺喜酒，老豆係無綫高層梁家樹，嚟飲嘅賓客粒粒勁，包括邱淑貞同老公沈嘉偉、袁詠儀、張家輝、吳鎮宇、古天樂仲帶埋媽咪一齊嚟；至於姊妹兄弟團陣容都唔弱，包括佘詩曼、來自台灣嘅林志穎等，加埋一大班無綫高層，連冇蒲頭台慶頒獎禮嘅六嬸方逸華都俾面出席，陣容勁過台慶。


戥人高興之餘，一眾小生花旦亦繼續mark高層搏加分，好似痛失視后、成為胡杏兒手下敗仗嘅陳法拉，同樂易玲夾啱時間到，繑實一齊入場；至於原本準備入場嘅徐子珊，一見到陳志雲落車，即刻行返轉頭恭候。兩高層一個被傳失勢，另一個又話要遊學矽谷唔撈，最醒目都係三哥苗僑偉，散席時拖實新老闆殼王陳國強一齊走，交際聯誼，梗係要揀當頭起嗰邊，陳法拉、徐子珊，貪就手冇用㗎！ ####


三哥除咗拖實老婆戚美珍，散席仲識做拖實無綫新主陳國強，下年一於開多幾部劇俾你。


夾都冇咁啱，著得性感過班花旦嘅樂易玲，一擰轉背就見到陳法拉，即刻拖實。


Toby同黃敏豪大婚筵開五十三席，玩埋夜晚after party，老公已經醉到腳仔軟，行行吓成個人挨咗落老婆度。


明明行緊入酒店，徐子珊專登行返轉頭等埋陳總，咁又係，當日記者都未收到風佢劈炮唔撈。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄