藉藉無名的十六歲模Cammi，憑住貌似形象指導Nelson加阿凡達再加鬥牛㹴，三合一混合「美色」，竟引發出慾火連環船，吸引陳冠希同佢影慾照、人夫王浩信為她婚前試愛，還有萬寧哥哥沈志明霸王硬上弓。集郵雄心令Cammi人氣爆燈，但慾海翻波換來臭名遠播，要一度停學匿埋屋企避風頭。
閉門一個月，Cammi決定捲土重來，大計包括明年初出書爆情史，盡揭圈中餓狼全相；校啱時間，Cammi再流出一張曾在自己Facebook出現過，大晒男友陳冠希給她影慾照的大堆名牌「性衣」。
污名難洗，唯有由外表着手。Cammi復出前首先重新修葺「阿凡達」鼻，再跟失散「孖生大佬」Nelson來個世紀相認，得對方相助，炮製新形象，踢走集郵姣味。

出書爆餓狼
肩負起「陳冠希舊菜」招牌，帶挈Cammi工作接二連三，下週日正式「復出」行時裝騷，月底還會到上海及廣州的酒吧登台，追擊被林建岳遺棄靠去夜場賣唱維生的陳冠希，爭飯食之外，近日多間出版商睇中Cammi十六歲獵食戰績，出動六位數字酬勞游說她出書爆情史，盡揭圈中餓男急色真面目，內容包括陳冠希如何用花言巧語氹她影慾照、與王浩信禁室五小時偷食過程、萬寧哥哥的霸王狼相，還有Boy'z成員Steven冧女招數等會逐一披露，屆時，Cammi的圈中情慾禁史，會聯合寫真一併在三月發售。


繼上月遺失手機流出與陳冠希濕吻慾照，近日又流出一張曾在Cammi的facebook出現，疑似在陳冠希家中拍攝的相片，男方預備十多套誘惑性衣，平放在地板上大晒冷，當中大部分是過千元的名牌，包括有阿嬌著過影慾照的英國名牌「Agent Provocateur」，加埋女僕衫與童真的Hello Kitty內衣，揭示Edison對慾照造型充滿多元化重口味。

心大心細
雖然出書酬勞可觀，但據悉Cammi為了陳冠希，對出書爆料一事仍心大心細。「早排Edsion話自己信錯人，講到要同Cammi一刀兩斷，其實私下兩個未斬纜，仲有電話傳情，佢想俾Cammi一個復合希望，都係唔想再有慾照流出，所以Cammi唔敢輕舉妄動，亦唔敢同人講未斬纜！」知情者說。有關出書爆情史一事，Cammi不停說：「我唔知，你問番我經理人啦！（流出一張性感內衣晒冷相，嗰啲內衣係咪就係Edison送俾你？）啲相點解仲流出，我唔想再回應！」經理人Edmond則承認正與出版商磋商當中。「係有幾間出版商搵Cammi傾出自傳，內容當然係講圈中情史啦，不過就唔會開名，等讀者估。而家傾緊未落實，因為都要睇Cammi最後嘅決定。」

執鼻見Nelson
未揸定主意出書，但決定出山的Cammi首項任務，竟然要跟被形容「娛圈新Twins」的形象指導Nelson（張學潤）來個世紀相認。本週日（十二月十一日），二人在時裝店首度面對面，只見Cammi昔日高聳入眉的阿凡達鼻消失，明顯進行了拆建工程。見到Nel Nel，「大佬」第一個反應係：「真人睇，你都唔係好醜樣啫！」不過話口未完，Nel Nel開始句句夭心夭肺。「你得十六歲咋，做乜扮到成個老人精咁，條眼線畫到似古裝，眼睫毛使唔使咁誇張呀，頭髮貼住面，對兜風耳突晒出嚟，唔怪之得話你似阿凡達啦。」被人彈到一面屁，Cammi驚到口震震：「咁……你可唔可以幫吓我？」Nel Nel自願過料：「著平衫，都可以好有形格，可愛日本look通街都係，你就唔好跟啦，仲有，除咗對大眼仔！」

衰在白痴
之後Nel Nel動手幫Cammi揀衫，還不忘點醒對方：「我都知陳冠希真係好難抗拒，但你都要識得分，邊啲男仔係想同你真心交往至得㗎！女仔要識得保護自己，唔好隨便跟男仔返屋企。」 Cammi扁嘴認錯：「我係好白痴，諗嘢又簡單，佢哋話自己係藝人，出街約會唔方便，最好去屋企見，我信錯哥哥囉！搞出咁多事，父母都話我好蠢。」


即將重新出發，Cammi先為自己污名抗辯。「無人想搞到臭名遠播，早排真係好辛苦，上上吓堂都會喊，要搵社工心理輔導，阿媽又喺屋企成日喊。我想講，井柏然嗰次真係純粹影張合照。其餘嘅我唔明點解要講我借佢哋出位？可能王浩信要結婚，佢先至咁講，呢個我都理解嘅！總之經過呢次教訓，除咗男友，以後都唔會單獨上男仔屋企。（陳冠希話信錯你！）我唔知點答！（你哋未斬纜？）吓……你邊度聽番嚟㗎？……我唔想答。」

Cammi出書兩男咩反應！
####


Cammi同Nel Nel終於來個世紀重逢，但兩人見面都異口同聲：「我哋都唔似！」之後經Nel Nel義助大翻身，換來形格打扮，清純味的Cammi竟然同欣宜有幾分相似。


似我好過似阿凡達啦！（設計對白）


泰臣同蝦頭即將公演的話劇《微男博女》擺明抽水，據知佢哋打算請Cammi捧場！


日前再流出一張疑似陳冠希在家供Cammi著嘅性感內衣，其中內衣品牌「Agent Provocateur」阿嬌都著過影慾照，而該牌子的內衣款式大膽玩味強。


變身前首度面對面，Nel Nel對Cammi有彈有讚，搞到鬼咁緊張嘅Cammi伸晒脷！


幾經Nel Nel勸服，Cammi先肯除下大眼仔，以真眼珠見人，但就頻頻話：「好唔慣，無咗大眼仔我就無晒自信。」


執完又執似番個人：知道誇張鼻樑唔討好，近日Cammi已經進行拆卸工程，加埋有Nelson改造形象，將前額頭髮梳起再配淡妝，唔同晒。


原來09年Nel Nel已跟14歲Cammi（右二）在時裝騷碰頭，呢對Twins果然有啲緣！


若然明年出書爆料，Cammi又唔知使唔使停課避風頭。


阿凡達時代今年初Cammi花萬元執樣，眼皮單變雙，鼻樑擴闊加高直插上眉心，加埋誇張眼線，變成白面版潘朵拉星人，唔合比例五官照樣殺盡圈中急色男，奇！


王浩信：我唔擔心佢出書會有咩爆，因為根本無嘢好爆，若果有我都係當故仔睇，我同老婆未驚過。寄語佢好好讀書仲有前途啦！


沈志明：佢出書爆乜都唔關我事，我唔會理唔會睇唔會擔心。（《Face》圖片）

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄