五大唱片一度同無綫有你冇我，身為契仔嘅李克勤成為首個犧牲品，冇得現身做《Cash流行曲創作比賽》嘉賓，克勤以「婆媳爭家用，仔女冇飯開」形容心情。兩年過後，版稅斟掂數，克勤亦係第一個獲無綫放生，有份現身《歡樂滿東華》，背後多得曾志偉同無綫新當家殼王陳國強，一個幫口、另一個開直通車，聽聞下不為例，歌手要上無綫，一定要簽合約。


契仔終於有得返「娘家」，克勤做埋彩排相當認真，不過到正式演出，耳機突然失靈，不斷傳來刺耳嘅「vi vi」聲，克勤雖然臨危不亂，除低耳機聽現場喇叭音樂跟住唱，可惜啲聲有誤差，搞到唔啱拍子。事後克勤都有留言微博，慨嘆因為現場直播冇機會NG嚟過。復出作唔老黎，克勤徒勞無功，反而陳豪、黃德斌、林保怡合唱電視劇《天與地》片尾曲籌款，對住塊巨型貓紙，逐行睇跟住唱，打天才波一樣掂！ ####


有曾志偉幫口，加埋陳國強開綠燈，克勤終於翻生無綫，一出場仲有家燕姐抱抱。


連支票移交儀式都有份做，不過到克勤出場唱歌，耳機突然失靈，用手篤住耳機都無補於事。


《東華》星光不復當年，要搵埋倉底劇《天與地》三位男主角上嚟唱歌籌款，之前日日鬧無綫嘅林保怡，獲特赦現身，三個更對住巨型貓紙唱，好敷衍喎！


當日因不滿陳志雲錫晒崔建邦，嬲到唔撈嘅王賢誌，今年榮升東華總理，以另外一個身份亮相無綫，更聯同莊思敏一齊表演籌款。


五大歌手得克勤有得解封，不過就算唔夠歌星撐場，都冇必要搵衞生及福利局局長周一嶽唱《忘不了你》，大家有冇諗過譚校長嘅感受呢？

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄