唐寧，八歲便加入五光十色的影圈，然後由大銀幕跳入公仔箱，再走上舞台。從演足足二十二年，別人眼裏，她彷彿失去了童年應有的生活和快樂，但她卻說，只當童星這個兼職是課餘活動，還比同齡女孩多了一點知識，早點明白大人的世界。或許，就是這種正面又樂觀的態度，童星來到三十歲，童顏依舊。

變的，只是唐寧的身份！去年九月，她突然宣布下嫁舞台劇才子鄧偉傑，今年三月中，更剖腹誕下兒子「俊俊」。每天看着孩子成長，對唐寧來說，就如激勵和奇迹，更令她與母親更親密，「坐月嗰陣，我哋傾咗好多以前我做女嗰陣唔會傾嘅嘢，原來好多嘢真係『有咗小朋友先會知』！」

母女情深

母愛的偉大千古傳頌，這種無私的愛，初為人母的唐寧深深感受到。由懷孕到坐月，其母均陪伴左右，照顧周到，更因湊孫導致長期坐骨神經痛惡化，後來需接受手術，住院個多月後才康復，唐寧說：「本來我哋都冇諗過請外傭，始終覺得湊BB應該自己親力親為，奈何我都要工作，媽咪年紀又大，我唔可以再畀佢咁操勞，所以請咗姐姐幫手，主要唔係要幫手湊BB，而係湊住我阿媽。」

從小到大，唐寧均備受萬千寵愛，成為人母後，更覺與母親關係愈來愈緊密，「因為大家都係女性，大家都有過生產嘅經驗，更加明白佢嘅感受。」尤其坐月期間，兩母女無所不談，一些以往「做女」時不會談及的話題，如孕婦產後的情緒、身體變化，育嬰須知等，均成為閒話家常；甚至她的童年往事，再從母親口中說出來，勾起絲絲甜蜜的回憶。「我有個阿哥大我十年，其實我阿媽冇諗過生我o架，嗰陣婆婆病咗，喺佢最後一段人生路係媽咪陪住佢o架，所以婆婆嘅感受特別深刻，臨終前千叮萬囑我媽咪要生多個女。結果，一年後，我媽咪就生咗我！嗰陣唔興照超聲波，媽咪一直唔知呢一胎係仔定女，但就不斷同自己講一定要生女；到我真係出咗世，媽咪知道係女就喊咗出嚟，啲護士仲以為佢重男輕女，生咗個女唔開心所以喊添。其實佢係開心到喊呀，所以我阿媽由細到大都好錫我！」

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄