韓流攻陷亞洲，唔係韓劇、勁舞男天團，甚至長腿女子組合先紅得起㗎，身材fit爆的韓模一樣值得捧場。講緊係26歲由韓國過江去日本撈到做超模的金榮兒，有典型韓式索女樣加長腿基本條件，最吸引係完美body，5呎8吋高，仲有32C上圍，皮膚更白滑到反光。靠body突圍，連日本著名OL雜誌《Oggi》都睇中榮兒邀做專屬模，榮兒最近亦唔錫身，剝光豬幫《an．an》影裸照，呢期佢最強啦！


現年26歲的金榮兒，12年前只得14歲的她，因在街上被發掘而入行，雖然曾於韓國拍過韓劇同廣告，但一直撈唔起，捱到18歲，終把心一橫隻身去日本發展。

爆keep fit秘技
攻日已8年的榮兒，現時除屬日本OL雜誌《Oggi》專屬模，近年更食住韓流大熱趨勢，於日本狂拍廣告及行TGC等大騷。家陣榮兒於日本撈得起，當然靠完美body，最近榮兒訪問中自爆keep fit秘訣：「其實我冇節食，但最緊要做運動，每日就算幾忙都抽一小時舉啞鈴及做仰臥起坐運動，而每晚臨瞓前一定要做全身伸展運動，讓手腳可以拉長啲，每日持之以恆就可減少贅肉。」

被㗎模杯葛
榮兒已屬日本最出名韓模，但其實要在日本模界崛起，榮兒曾捱過唔少苦頭。最初榮兒到日本發展，因唔識講日文，言語不通的她搞到冇朋友，最慘係因日本人排外、尤其是韓國人，令榮兒初入日本模界即被同行杯葛。自稱喊包的榮兒更經常打長途電話同阿媽喊住嗌辛苦，好彩得阿媽鼓勵先冇放棄，家仲儲夠實力同㗎妹爭飯食，真係要講聲：「多謝媽咪！」

Oggi模彈起
03年由韓國過日本發展，翌年即獲日本OL時裝雜誌《Oggi》睇起請做專屬模，近年韓流襲日，榮兒更經常做封面刺激銷量。

韓劇奀星
9年前，當年只得17歲嘅榮兒，曾於韓國本土拍過韓劇《Non Stop 2》，整個劇集系列有當時最紅嘅張娜拉及趙寅成演過，榮兒只屬大茄。

硬撼蛯原
06年榮兒曾拍Sofina防曬液廣告，同當時最紅嘅日模蛯原友里嘅Anessa防曬液廣告對撼，榮兒始終係過江龍，就算解埋比堅尼帶都唔夠地頭蟲友里鬥。

F cup女模本土最強
金榮兒屬日本最紅韓模，而韓國本土最紅女模非今年25歲、身高5呎7吋嘅林智慧莫屬，由於37F cup導彈身材唔怕露，行天橋、拍廣告，甚至做車模全部撈得掂，被韓國傳媒起朵為「韓國第1女模」。 ####


32C、23、35，加上5呎8吋高，均勻身段唔只令㗎妹羨慕，仲擁有42吋白滑長腿，唔晒冷喺《an．an》拍裸照騷quali，真係嘥晒！


擁有32C上圍嘅榮兒，谷胸拍內衣照時鬼咁有自信，但佢自爆5年前因為只得110磅，瘦到胸口甚至pat pat都冇肉而極度自卑。


擁有F cup上圍的林智慧，經常在車展中展示驕人身材引死男客戶。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄