今年毛毛裝大熱，見到個個明星都披件毛褸着對毛鞋，一上裝即夠潮！車款同時裝一樣都要講潮流，最直接又夠新鮮感的方法，莫過於為內櫳反轉來個大裝身，一於將架車變身成毛毛車，感覺酥軟溫柔，有佢陪你過冬天，全身暖笠笠！記者：趙慧敏攝影：林栢鈞Model： Hailey@GEM Models鳴謝： Silly Think
其他副刊影片 上頂毛 下坐毛 放大圖片 
改車都要講主題意念，有要求的車主當然唔會求其鋪塊毛毛布就話變身，呢位車主極愛動畫《龍貓》，車上早已擺放了不同的貓巴士公仔，改車時順理成章以此為題！不過車主似乎改上癮，仲不時喺車櫳加料改裝，撞正今年毛毛熱，只需約萬多元（連工包料），即時升格為貓貓窩潮車。這輛小型毛毛貓巴士以大發 Move改裝而成，貪佢四四正正，車廂闊落，發揮空間甚大。全車以類似貓毛的啡色為主調，以深淺啡配襯，營造溫暖感覺。甫入車廂最搶盡視線的，莫過於毛毛料與皮料相間的座椅，刻意將座椅中間換上深啡色皮料，外形就如貓貓的腳掌般可愛。不過講到夠 Warm，就要坐定定或瞓低至感受得到了！整個人完全置身一個被毛毛包圍的空間，由車門門板到車頂都鋪上毛毛布，車主更細心地在車門位擺放幾個小小的公仔，令公仔猶如置身大草地，既可愛又浪漫，女士們見到一定冧到暈！
放大圖片 
放大圖片 
放大圖片 
■暖笠笠的貓窩，冬天最愛。
放大圖片 
放大圖片 
放大圖片 
放大圖片 
■毛料配上皮料，成隻貓貓腳掌般。
放大圖片 
■門邊擺放不少貓巴士的老友，好似成班公仔喺草地玩咁。
DIY無難度 放大圖片 
■車廂設計師 Ada提醒車主 DIY最緊要有耐性，新手隨時要失敗幾次才成功。
負責設計的 Ada表示，由於坊間毛毛飾件不多，選擇較少，加上車主要求特別，所以大部份毛毛飾件都要自行設計及製造。不過她覺得如一般車主能掌握拆裝車廂面板的技巧，要 DIY亦不是難事，不過有幾樣事項一定要注意。
便宜莫貪
由於車廂毛毛料要長時間使用，所以質地一定要好，切勿貪平，否則磨擦衣物後會出現甩毛情況，她建議可以在深水埗一些經營布料批發的店舖選購較優質的毛毛布料，價錢大約$100/碼。
座椅套請人代勞 放大圖片 
■處理夾位縫位要特別小心，避免膠水黐至一嚿嚿。
車廂內大部份飾面可以自行鋪設，例如車門門板及車頂等，不過座椅套由於剪裁要較細緻，工序較繁複，最好交專人訂做。
膠水咪多落 放大圖片 
■黐毛料時可用 3M強力膠水或雙面膠紙，於一般文具店有售。
一般布料鋪上面板後，再黐上膠水或雙面膠紙令毛料鋪得貼服，不過毛毛料若黐得不好，毛料便會黏至一嚿嚿，所以在黐膠水時，要先用梳梳順毛料，使用膠水時切忌太多，最好逐少逐少落。
保養大法車廂蒸氣是大忌 放大圖片 
毛料較普通布料吸塵，所以使用時，要經過吸塵，但就最好少用車廂蒸氣，因為車廂吸收大多濕氣，容易令毛料發霉，毛質變質又或者甩毛。
禁止吸煙
毛料容易吸味，所以最好避免在車廂內抽煙，否則煙味久久不散，隨時變成煙鏟車。 
■車門門板都鋪上毛料，營造溫暖空間。\n
留言列表
{{ article.title }}
