早前，「巨胸謙」羅仲謙同舊女友傅穎嘅新聞哄動過一陣，其實男女感情嘅嘢，好難講誰是誰非，但相嗌始終唔好口嘛！冷靜落嚟之後，女嘅就話要去外國讀書，男嘅就繼續專心工作。唉，咁咪好囉！


近日謙仔仲有新挑戰，攻佔基界粉絲，演出舞台劇《我的基本生活》。對手係獨立歌手兼舞台劇演員關逸揚（Clifton），同樣有型有肌， 呢個劇仲係佢自資自導自演㖭。日前媽咪姐上去排練室探班，見到謙仔同Clifton鬼死咁肉緊攬埋一嚿，兩個麻甩佬依偎响梳化纏綿，睇到媽咪姐都打冷顫。謙仔話：「排嗰陣當佢係你愛嘅人，就唔會覺得尷尬同核突囉！」而Clifton亦大賣關子：「到演出嗰陣，每晚都會有唔同嘅親熱，到時可能會除佢件衫㗎！」
咁會唔會除埋……下身呢？ ####


謙謙，你好堅挺呀！（設計對白）


放開佢！我唔要，其他人都唔可以要！（設計對白）


謙仔從後攬實Clifton，對方十分受落，感覺是騙不了人的。


劇中講謙仔已婚，但卻隱藏不住內心基味，同Clifton發生婚外「情」，不過兩人一度鬧分手。


排完劇，兩人到茶餐廳醫肚，不過粉絲請放心，佢哋各有各玩電話，似乎並未過電。順帶一提，Clifton嘅新碟於舞台劇首天推出，自己作曲填詞，都幾堅。

arrow
arrow
    文章標籤
    羅仲謙 騷基 忽然1周 847期
    全站熱搜

    stacylife 發表在 痞客邦 留言(0) 人氣()

    E-mail轉寄