朱茵昨日在牛池灣綵排舞台劇《瘋狂夜宴搞偷情》，下周一（ 25日）是她 39歲生日，昨日一班演員送上蛋糕預祝她生日，朱茵謂：「最希望鮎魚唔好嚟，聽講我哋呢套劇票房都唔錯，如果打風就要取消，之後又冇場可以加，咁條數就好難計。」生日當天朱茵都在工作中度過，問男友黃貫中（ Paul）會否捧場？她說：「佢要去第二度做嘢，或者睇其他場。」
男友唔會呷醋 放大圖片 
朱茵昨日忙為舞台劇綵排，當中不乏親熱戲份。
劇中朱茵與男對手余俊峰有不少親熱戲，昨日就見余不停吻她的手與頸，會否擔心阿 Paul呷醋？朱茵肯定說：「唔會，佢成日都嚟探我，見過晒，有時係動作大啲，未必錫到 o架。」採訪：胡比 攝影：葉君海 
下周一將會是朱茵的 39歲生日，她會在工作中度過。
朱茵偷情男友揸機
朱茵昨日為舞台劇《瘋狂夜要搞偷情》綵排，與男演員余俊峰上演一幕大膽偷情戲份，兩人由手背錫到頸再扭作一團，狀甚激情，朱茵笑說舞台演出看似誇張，但事實上尺度比拍電影仍要低：「舞台效果嚟啫，嘴都掂唔到，整花個妝咩。」更謂男友黃貫中曾來探班，還充當攝影師為大家拍照，問到男友會否呷醋，她說：「唔會！佢可能寧願我做多啲舞台劇。」
排練期間眾演員推出蛋糕提早祝賀朱茵25日生日，朱茵說：「生日願望鮎魚唔好打到嚟，好擔心呀，好多fans喺外地飛嚟睇我，星期六仲有日、夜兩場添，如果開唔到損失好大。」
全站熱搜
留言列表
{{ article.title }}
