做女人難，做一個相夫教子的賢妻良母更難！

不能不說，李美鳳嫁到台灣豪門做過埠新娘，有一對龍鳳胎，有一個顧家的好老公，有一個不老的傳說，幸福至極！就連謙卑的她也明言，令她最感快樂的便是有一個美滿家庭。

不過，成功非僥倖，談及教育一對十三歲子女的過程，李美鳳曾經痛心疾首、曾經傷心自責，只靠一本一本心理書、育兒書陪她走過十三個年頭，當作吸收知識也好，當作拿點安慰也好，但求子女把她當成朋友，無所不談，「依家社會複雜咗，青少年喺網絡上接收嘅訊息太多，要學壞亦快好多。」

李美鳳的一對龍鳳胎今年已經十三歲，踏入青春期，為怕子女從網上接收到不良訊息，她會在他們身後巡邏，必要時還會上前查問。

因材施教

八七年港姐亞軍李美鳳，在九六年下嫁台灣國茶實業太子爺鄭翔中後，便退出幕前，專注家庭。兩年多後，她誕下龍鳳胎─—寶兒及中福，自此付出雙倍的時間、精神在一對仔女身上，連兒女們學校的任何活動，她也參與其中，如影隨形，不敢怠慢。

「我個仔曾經同我講過：『你唔係twins，你唔會明白twins嘅感受』，因為雙胞胎嘅競爭性好大，佢哋會互相比較，啲同學仔亦都鍾意攞佢哋嚟比！無論學業或者運動，我個女都非常出色，難免會令個仔嘅自尊心受影響，所以，我經常會鼓勵佢、稱讚佢，畀多啲正能量佢。」至於長女寶兒，李美鳳形容她似足自己追求完美，不期然為自己帶來太多不必要的壓力；於是，她便會教導女兒盡量放鬆，勿對自己及他人有過高的要求，「父母同子女一定要溝通，傾多啲偈，教多啲佢哋做人嘅道理，好似我個女咁，唔可以同佢硬碰硬，佢實唔會聽你講，尤其依家踏入反叛期，鬧係絕對冇用嘅。」

李美鳳的兒子中福原名中虎，因為多病痛及意外，於六歲改名；兒子更曾兩度腦震盪入院，令她擔心到腳軟。

為了教育子女，李美鳳結婚後一直透過不同的書本吸收育兒的知識，即使小朋友的性格各有不同，書本上提供的管教方法未必奏效，也可當作是給為人母親的一點安慰，「對仔女未出世前我已經睇咗本《Men are from Mars, Women are from Venus》（中文譯名：《男女大不同》）；其實做人阿媽真係成日都有挫敗感，由仔女BB嗰陣開始，佢哋如果病，你又會質疑自己係咪唔識得湊佢？佢哋由細到大都係我親力親為咁去照顧，甚至會喺學校度做幫手，我樣樣做到足，有時佢哋駁我嘴，我真係會激到個心喺度流血o架！所以睇多啲書，都可以幫助啲媽咪紓緩一吓情緒，做番一啲心理調整。」