狂野時速十幾噸夾萬拖住行　港車手：無可能－娛樂八掛大放送★

令男人 High爆嘅電影《狂野時速》又登場，一般飛車炒車已經滿足唔到《狂》迷，卒之今集狂加槍戰同肉搏，兼玩埋細車炒起大巴、拖住十幾噸夾萬鬧市逃亡等瘋狂場面。港車手睇完首映後大呼過癮，大讚特技令不可能變成可能！記者：徐影龍攝影：陳陶鈞

其他副刊影片飛車佈局有心思放大圖片
■ James Tang話雖然好多飛車場面現實無可能做到，但設計得好過癮。

■ James Tang話雖然好多飛車場面現實無可能做到，但設計得好過癮。

由第一集鬥 1/4哩直線加速，到踩落東京挑戰 o架仔飄移，《狂野時速》再拍落去一定要搞搞新意思。嚟到第五集，導演加重槍戰、逃亡同隻揪場面，飛車環節反而貴精不貴多，幾幕高潮佈局的確令人印象深刻，連鬥開 GT房車賽同飄移嘅香港著名車手 James Tang，都睇到眉飛色舞，不過就話現實中無可能發生！

放大圖片

Mission Impossible1.厚重夾萬鬧市亂 Fing 放大圖片

光頭佬雲迪素糾集昔日戰友做世界，目標就係裝住一億美金嘅夾萬。雖然堅厚夾萬重逾十多噸，不過兩架 Dodge Charger戰車拖住佢喺鬧市甩尾之餘，仲可 Fing嚟 Fing去，當武器攻擊敵人！ James話就算拖得郁，都會因入彎時被夾萬「扯住後腿」而導致兩車相撞。

2.四両撥千斤放大圖片

劫囚車一幕，女主角美亞先令大巴急速扭軚失重心，男主角拜仁再乘勢喺側邊鏟入，造成跳台效果，令成架大巴凌空彈起，直情將太極融入飛車特技，高呼過癮！ James話：「無可能炒得起，架大巴咁樣壓埋去，只會令男主角夾到變柿餅！」

飽覽名車考眼力放大圖片
■ Dodge Charger成車中主角，打劫、走佬靠晒佢。

■ Dodge Charger成車中主角，打劫、走佬靠晒佢。

正所謂聽古唔好駁古，《狂野時速》已奪下北美及多個地區開畫冠軍，氣勢如虹，另一成功因素係事先張揚戲內有大量名車登場，比過往四集有更多靚車，其中佳士拿旗下嘅 Dodge，更係重點出擊，雲迪素揸勻新舊 Charger，連警車都用埋 2011 Police版 Charger，仲有 Ford GT40仿製版、雪佛蘭 Corvette Grand Sport、波子 GT3 RS等經典名車。日系陣容亦不弱，出動日產 Fairlady 370Z、 Subaru STI同新鮮熱辣嘅凌志 LFA等，連經典中嘅經典，現今價值過百萬嘅第一代戰神 GT-R都有，車迷肯定睇到腎上腺素飆升。不過時間關係，大部份名車均屬曇花一現，要數齊真係幾考眼力。

放大圖片
■巴西警方以 2011最新 Charger做警車，勁型！