依家豬流感肆虐得咁厲害，對衛生問題緊張都好應該，但好似「四維」緊張到近乎病態程度，就真係好難頂。
媽咪姐聽屋企個印姐講，佢有個姊妹兩年前幫「四維」打過工，印姐話個姊妹每次見親佢哋，都呻到樹葉落，話幫「四維」打工，簡直係苦差。印姐話「四維」嘅潔癖已去到非常難頂嘅階段，屋企幾乎日日大清洗不在話下，入得口嘅就更加。佢要人洗生果，只准用食指嘅指尖同拇指嘅指尖拈住，啲生果絕對唔可以掂到工人隻手嘅虎口位。至於細細粒嘅提子或藍莓都要逐粒洗，最搞笑係佢規定每粒洗完攤三十秒後再洗一次。呢啲都未算慘，印姐話洗日本超級大富士蘋果先最攞命，你話兩隻手指尖點可以秤住咁大個蘋果呢，所以每次洗完，工人兩隻手指都會梗晒兼抽筋。唉，「四維」有潔癖已係通晒天，不過估唔到係嚴重到接近病態地步。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄