踏入兔年，打開報紙雜誌，幾乎三日唔埋就有女藝人大肚、又或某某就快做老竇嘅新聞。講開生 B，媽咪姐突然諗起「超級巨星」。
「超級巨星」結婚時好低調，低調到完全冇人知咁滯。之後，又忽然傳出佢有個女，仲圖文並茂咁登晒出嚟，但原來係個美麗的誤會。
為乜媽咪姐咁講呢？事關媽咪姐早前同幾個行家食春茗，傾傾吓，話題扯到近期娛樂圈嘅生 B潮。其中一個幫「細鱷」打工嘅行家爆料話，之前傳嗰個細路女，肯定唔係「超級巨星」個女，「冇錯『超級巨星』係好恨有細路，可惜佢老婆因為卵子有問題，好難有 B o架，佢哋真係出盡辦法，睇盡中西名醫，可惜都冇計。最近連「細鱷」都出動埋幫佢手，喺法國搵咗一個好出名嘅醫生俾佢哋，仲親自陪佢哋兩公婆去法國見醫生㖭。可惜都唔掂。」
原來唔單止「超級巨星」老婆有問題，佢自己本身都唔掂呀！唉，所以「超級巨星」肯人工授孕或代母產子都唔得。唉，人真係冇十全十美囉！

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄