同期開騷　伊健爆晒梁詠琪閉翳
2011年02月17日
分手五年，過氣情侶鄭伊健、梁詠琪，今個月底及下月初分別在紅館舉行演唱會，兩個騷相差四日，但反應卻差天共地；伊健三月的三場個唱一早賣晒，他開心到話會請公司同事去旅行慶祝，相反，近日頻撲宣傳的梁詠琪，離開騷不足十日，仍然大把飛賣。
拖足一年
○九年十二月，鄭伊健在紅館開了兩場個唱，由於反應理想，主辦商林建岳即時答應為伊健開 part 2，但紅館一直無檔期，拖了一年多，演唱會今年三月舉行，更由原本兩場加至三場。
伊健決定三月開騷，舊愛梁詠琪搶閘，於去年底臨急接收了原本屬於陳潔靈、葉麗儀的二月底紅館檔期。
「 GiGi對上一次紅館騷已經係七年幾前嘅事，自從同伊健分手， GiGi喺香港一沉不起，更加無主辦機構提出話幫佢搞騷，今次咁啱紅館有個空檔掟返出嚟，主辦商見 GiGi平安夜喺北京個騷反應唔錯，所以先接嚟做。」知情者說。


伊健演唱會一早爆晒，但尚有唔夠兩星期開騷的 GiGi，門券滯銷，十分慘情！
 
年前的演唱會反應理想，林建岳即刻拍板幫伊健開 Part II。
 
開騷前，蒙嘉慧與伊健一家合照，成為鄭家一分子，笑容亦特別燦爛。
 
○九年十二月，蒙嘉慧約埋黎諾懿到紅館捧男友場，更不停拍掌為台上的伊健打氣。
 
14/2
除了朝朝在寓所附近跑步，近日伊健亦日日到九龍城排舞，為演唱會備戰。
 
本週一，適值情人節，伊健提早收工，六點離開排舞室。
 
女友蒙嘉慧校啱時間揸車到，接伊健出外吃情人餐。

救亡宣傳
可惜近年作品無甚突出，梁 Gi演唱會門票開售至今，反應未如理想，開賣頭兩星期，只售出千多張門券，主辦單位唯有要 GiGi勁做宣傳救亡。
「月底就開演唱會，呢段時間應該閉關彩排，但呢兩個星期，仲不停見 GiGi出嚟做宣傳，上星期上完商台做訪問，早兩日又做 TVB，都好頻撲！」
蒙嘉慧接送
稍遲梁詠琪四日開騷的鄭伊健，除了賺錢活動，近日已全面投入，狂操六嚿腹肌準備演唱會。本週一（二月十四日），他如常到九龍城排舞，由於當日是情人節，伊健特地將排舞時間提早，傍晚六時，便見女友蒙嘉慧揸車到來接男友出外撐枱腳。一見到伊健，蒙嘉慧即時遞上飲品，對男友相當體貼。


開騷在即， GiGi仍抽時間上有線節目不停四出宣傳谷飛。
 
秘密練易筋經的 GiGi揚言近期是前所未有咁瘦，開騷前緊張加上擔心銷情，唔瘦就假。
 
梁詠琪早前接受南華主題房主持訪問，與羅傑承合照。（《蘋果日報》圖片）
 
02年梁詠琪在紅館開騷，伊健上台為女友打氣，令全場觀眾喝采。

大量供應
伊健去到飛，無包袱，仲有女友後排支持茶嚟水到；相反，梁詠琪即使預告演唱會有性感歌衫，對門票銷情仍起不了作用。本刊在城市電腦售票網所見， GiGi兩場演唱會，由四百八十元貴飛到平價一百八十元的，同樣有大量供應。截至本週一，最貴飛仍可買到第十一行正中位置連位，梁 Gi的救亡行動，並不奏效。
各自精彩
99年，梁詠琪被指是第三者介入鄭伊健和邵美琪的戀情，但拍拖七年， 06年 1月正式玩完。同年 6月，伊健火速搭上羽毛球波友蒙嘉慧， GiGi亦不愁寂寞，先後與兩名外籍男友拍拖。
蒙麵戀 


06年，鄭伊健在好友黎諾懿介紹下認識蒙嘉慧，二人頻頻相約滑水、打羽毛球，「蒙麵戀」正式曝光，感情發展穩定， 09年 3月，蒙嘉慧正式進駐伊健位於淺水灣的豪宅，坐定粒六等做「鄭太」。
異地戀
與鄭伊健分手後，梁詠琪曾到英國治療情傷， 06年 9月，在日本認識了從事設計的法籍男友 Sly，更被拍得在車廂激吻。 09年， GiGi透露男友曾求婚，直至去年 5月，有傳梁母棒打鴛鴦，二人正式分手。
分手不久， GiGi又搭上另一名外籍人士，新歡 Matthew現任美國駐港領事，二人去年 11月在灣仔撐枱腳被撞破，戀情正式曝光。 
與伊健分手即搭上 Sly 
Matthew現身 GiGi北京個唱。

過氣情侶同開唱 鄭伊健得意梁詠琪拼命救亡

分手五年，過氣情侶鄭伊健、梁詠琪這個月底和下月初分別在紅館舉行演唱會，兩個演唱會相隔四日，但反應卻差天共地。

鄭伊健三月的三場演唱會門票一早賣清，他開心到會請公司同事去旅行慶祝。相反，近日頻頻宣傳宣傳的梁詠琪，離開唱不夠十日，仍然有大把門票沒有賣出。

arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄