混完吉喺舖頭磨足半粒鐘，乜都冇買，原來係混吉多過幫襯。

自從同馬國明甩拖後，帶住與前夫所生兒子嘅曾華倩，成日呻自己dry到就裂之餘，無男人擔到頭家，惟有自力更生、慳得就慳。早幾日，佢趁唔使開工，囝囝又返咗學，約埋成班中女兵團去圓方shopping掃減價貨。媽咪姐睇住佢哋幾個女人一支箭走入一間專賣平價西班牙時裝嘅舖頭執筍貨，件件減到百零蚊有交易，但佢哋睇足半個鐘，離開時依然兩手空空。轉頭見佢走入附近超市，專攻生果及減價凍肉櫃，終於揀到心頭好！呢位單親媽咪，消費果然夠精明。


 


摷筍貨曾華倩喺舖頭捐嚟捐去，東睇睇、西摷摷，似好用心咁搵筍貨。


有收穫兜圈一輪， 卒之有幫襯， 生果凍肉都執到啲。講到底，師奶即係師奶，開飯大過天。


揀生果由時裝店出嚟，再攻入超市進行大搜購。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄