喺攝氏零下 20度嘅內蒙拍緊《楊門女將》嘅靚媽張栢芝，繼 12月初墮馬受傷後，今個月又俾發雞盲武術指導撞腫右邊面， FBI都戥佢陰功豬，難得栢芝冇怨言，仲同大陸媒體分享：「很多人都沒有在那麼惡劣的溫度下拍過戲，拍戲的時候臉都是麻木的，刀碰到我的時候，臉都已經沒有感覺了。」

雖然塊面仲未消腫，但栢芝都冇扁嘴向老公詐嬌，日日碌吓雞蛋就搞掂，唔怪得連佢老公霆鋒都大讚佢夠堅強，仲話唔使買名牌氹老婆咁膚淺，栢芝抵錫！

 

放大圖片

愛心爆棚
栢芝早前專登飛去台灣為患癌病童 Dora打氣，可惜 Dora於今個月中病逝，栢芝即話願意出機票畀 Dora父母環遊世界，一償 Dora遺願，愛心爆棚。

 
放大圖片

栢芝右邊面仲未消腫，但都對劇組冇怨言，佢上載自己碌雞蛋嘅相上微博，仲話自己好頭痛。《楊》片要拍埋過年，栢芝真係要好好保重身體啊！網上圖片

 
放大圖片

凍啞咗
《楊》片喺攝氏零下 20度、 FBI聽都未聽過嘅內蒙鄂爾多斯近郊拍攝，小齊同栢芝都話凍到根本連講對白都有困難。

 
 
arrow
arrow
    全站熱搜

    stinglife 發表在 痞客邦 留言(0) 人氣()

    E-mail轉寄