二少同諸葛一到場即刻會合薛老太，其間薛老太不時介紹未來新抱畀朋友識，咁得未來奶奶歡心，睇嚟諸葛要入門應該定過抬油。
週日（ 30日），諸葛梓岐未來奶奶吳惠容所信奉的佛教團體「國際創價學會」於機場博覽館舉行 50周年慶典，當日薛老太唔只出席撐場，還擔任當日周年慶典的表演嘉賓，身為未來新抱仔的諸葛梓岐，當然支持到底。
雖然周年慶典於下午三時才正式開始，但當日所見諸葛公主與未婚夫薛嘉麟，早於開騷前一小時便到場，更於會場門外會合一早到場進行綵排的薛老太攞飛。薛老太見到諸葛及細仔專程捧場，亦開心到見牙唔見眼，三人有講有笑，之後薛老太更拉住二人影合照。
據知情人士透露，諸葛梓岐雖然成日被指有公主病，私底下卻很尊重老人家，除孝順自己父母，亦好聽薛老太話，今次一知道未來奶奶要表演，諸葛即主動拉埋薛二少一齊去捧奶奶場，即使當晚諸葛要出席《最強囍事》首映，亦情願早起身到髮型屋 set頭，下午就預留畀未來奶奶。
放大圖片
諸葛行奶奶政策
要表演的薛老太一早到會場準備綵排，而二少就同諸葛坐七人車校啱開騷時間到埗。
放大圖片
女友同阿媽（左）相處融洽，二少心情靚爆，不時手指指研究會場布置。
放大圖片
母子融洽
諸葛喺 VIP名單上簽緊名，薛老太就同二少傾偈，兩母子有講有笑。
法拉：冇面畀
將嫁入薛家的諸葛識得投奶奶所好，陪奶奶聽佛經，反而傳聞已秘密跟薛家大少薛世恆結婚的陳法拉唔埋奶奶堆。當日唔只冇到場支持，還現身賀年活動搵錢傍身最實際。當記者上前問她有關唔撐奶奶一事，法拉耍手話：「唔好意思我趕時間，《 FACE》都冇面畀……」
有傳法拉早於前一晚（上週六）到老爺及奶奶位於九肚山皓朗山莊屋企食團年飯「補定飛」。而週日佛教周年慶典結束後，薛老太即跟二少及諸葛返回九肚山皓朗山莊屋企，晚上薛家兩老就陪同二少及諸葛到佢哋嘅新居，位於皓朗山莊旁的寶栢苑睇裝修，錫晒未來新抱。
放大圖片
法拉冇面畀搵錢
週日薛老太到「國際創價學會」周年慶典聽佛經兼表演，點知當日法拉反而去香港仔中心出騷，寧願搵錢都唔畀面陪奶奶。
放大圖片
諗多咗
唔跟奶奶信佛嘅法拉，上週夾住老公薛世恆到屯門出席鄧萃雯主持的基督佈道會，事後仲喺微博話被記者狂影相，仲發表感想話：「真的這麼巧？」又質疑有人放料，其實法拉諗多咗。
放大圖片
二少上年向諸葛求婚，為住近媽咪，去年尾以近 4千萬買入九肚山寶栢苑二期豪宅，面積 2千呎，有 6間房。二人已收鎖匙，並會大肆裝修，預計 2至 3個月後才入伙。
放大圖片
微博晒得寵
當日撐完未來奶奶，諸葛公主隨即在微博上載一張場內相，場面墟冚。諸葛話宗教可以滿足身心，仲問大家相信邊個宗教。網上圖片
鬥到過年
除咗閂埋屋企門內鬥，最近諸葛同法拉嘅戰場鬥到上電影，即將上畫嘅賀歲電影《最強囍事》同《我愛 HK》， 2人分別有份演出，各自埋黃百鳴及曾志偉堆，惡鬥範圍繼續擴散。
放大圖片
法拉埋志偉堆
由曾志偉身兼監製及導演嘅《我愛 HK》中，飾演補習天后嘅法拉，會被性感唔怕露嘅新補習老師高海寧搶走唔少生意，兩大咪精對壘。《蘋果日報》圖片
放大圖片
諸葛氹掂百鳴
諸葛於黃百鳴執導嘅《最強囍事》中，飾演秘書妹，雖同栢芝及古仔有對手戲，但只屬客串性質。
留言列表
{{ article.title }}
