娛樂八掛大放送★

一班應屆亞姐噚日去數碼港一間美容纖體中心出席宣傳活動，同場仲頒發「美麗肌膚大獎」，結果由 18歲嘅 3號萬嘉麗奪得。活動上一班佳麗個個着晒粉紅色 tube dress上陣，但有幾個佳麗條裙比較鬆身，好似 16號何婭萌影單人相嗰陣，唔小心有少少「露暈娜」，認真失策。

放大圖片

年僅 18歲嘅 3號何婭萌慘成露暈娜萬嘉麗即場接受皮膚測試，結果佢順利奪得「美麗肌膚大獎」。

放大圖片

一班亞姐噚日出席美容贊助商嘅活動，所有佳麗着上露肩裙示人。

澳洲佳麗退選

亞視發言人區先生喺現場宣佈嚟自澳洲嘅 7號娜塔妮亞卡娜絲娃，前日以健康理由申請退選，亞視高層葉家寶同佢見過面之後，接受佢嘅申請，葉家寶話：「其實排練同出席活動嘅時間係比較長，一日超過 8小時，我哋對佢嘅退選覺得好遺憾，不過我哋唔考慮安排其他海外佳麗補上。」得到「美麗肌膚大獎」嘅 3號萬嘉麗攞咗獎話覺得好開心，佢用普通話講：「我覺得同年紀小有一定的關係。」講到 7號佳麗退選，似乎對佢更加有利？萬嘉麗話：「我都是剛剛才知道，所以未有想太多，我希望有拿獎的機會，不過其他佳麗很優秀，仍需繼續努力。」15號劉曉智同樣係啱啱先知道 7號唔玩，至於信心方面佢就話：「每個佳麗都有強和優秀的地方，我對自己有信心，不過覺得結果不重要，我只會努力表現自己最好的一面出來。」至於有冇覺得集訓辛苦？劉曉智話：「自己還好，可能我以前是舞蹈演員，習慣長時間訓練，所以不覺得辛苦。」


16號何婭萌着件露肩裙出現，點知一個唔小心，走光露埋乳暈都唔知。