爆嬌霆曾暗交兩月阿Sa陰招搶仔Twins反面
Sa霆戀愈揭愈大鑊，不單傳出男方偷食、女方婚外情，更接連爆出阿Sa（蔡卓妍）貼仔、包房等負面新聞，連William（陳偉霆）舊愛亦衝出踢爆Sa 霆點止拍拖三個月。
最近火頭仲燒到阿嬌（鍾欣桐）身上，據傳，嬌霆曾於去年尾拍《前度》時撻兩個月，隨後William突然提出分手，最初阿嬌以為男方變心，點知最近至聽聞原來係好姊妹兩大陰招撬牆腳，近日阿嬌更於微博暗示姊妹情緣難續，不再天真，Twins隨時決裂！
毋懼年紀差三年，27歲阿Sa與24歲William成功譜出姊弟戀，雖然自稱僅拍拖三個月，男方連試用期都未過，但相比跟鄭中基的七年情，阿Sa明顯鍾意William更深，於本週初同男友在機場上演一幕甜蜜遊街，又於微博互晒愛的宣言，高調到令人眼冤。
而有關Sa霆的新聞以負面居多，最大鑊係話兩人暗交長達一年，變相直指彼此都係第三者，對於種種流言蜚語，男方選擇封口，阿Sa則豁達面對：「流言我唔會回應，我決定唔睇任何報章雜誌，只在乎自己開心。」
Boy'z期力追
本來拍拖係兩個人事，弊在William的風流帳愈爆愈多，繼遭舊愛數臭後，最新消息更傳出，William於去年尾到今年初期間曾跟阿嬌暗交兩個月。
原來早於07年男方仲做緊Sun Boy'z大茄時，已被指想追呢位大師姐，不過礙於地位懸殊，加上當時女方跟方力申打得火熱，令William慘食檸檬，「陣William雖然冇知名度，但追女經已好叻，成日SMS俾阿嬌，又送埋Handmade小禮物咁，可惜阿嬌只係當佢細佬。」知情人稱。
《前度》撻著
當時做唔成情侶，但由於份屬同門，故嬌霆一直保持朋友關係，及至去年尾合拍電影《前度》，戲中兩人有多幕鴛鴦浴、激咀等火辣親熱戲，Dry了一排的阿嬌不禁心動。
「阿嬌經過慾照單，自閉成年幾，俾佢同William日對夜對，寂寞芳心點走得甩！William仲成日借機上阿嬌屋企話幫手整電腦，阿嬌排成個人開心好多。」知情人續稱。
及至本年初，男方忽然以專心事業為由提出分手，雖然阿嬌又Hurt多次，但好彩愛得未深，情傷未算嚴重。
阿Sa出招
及至Sa霆戀曝光後，有關兩人撻傳聞鬧出多個版本，當中更有阿Sa疑似撬好姊妹牆腳的傳聞，「最初阿嬌知道佢拍拖都好關心，仲祝福佢，點知有人睇唔過眼阿嬌仲咁天真，爆話William同佢分手係因為阿Sa。」知情人透露。
據知，阿Sa被指於去年尾拍電影《美麗密令》時，主動向男方展開攻勢，按時間當時William已跟阿嬌撻著，但有人唔顧姊妹感受，暗施兩招：第一，以姊妹名義自己屋企搞Party，點知最後變二人世界；第二，於片場玩失蹤，以開工為名掩嬌耳目，實則帶男方去玩。論人氣、講身家阿Sa都在阿嬌之上，出名識諗的William當然識揀。
話中有骨雖有傳公司下封口令，但當被問到Sa霆戀多是非時，阿嬌好贈興咁話：可以拎開戲。
開心大晒對於外界種種流言，阿Sa於週二（12日）出席新碟發佈會時，講明唔會理，最緊要自己開心。
阿Sa陰招搶阿嬌男友陳偉霆 微博暗示姐妹情斷 陳偉霆一箭雙雕 最近火頭還燒到阿嬌(鍾欣桐)身上，據傳嬌霆曾于去年底拍《前度》時拍拖兩個月，隨後陳偉霆突然提出分手，最初阿嬌以爲男方變心，誰知最近才聽聞原來是好姐妹兩大陰招撬牆腳，近日阿嬌更于微博暗示姐妹情緣難續，不再天真，Twins隨時決裂！
阿Sa(蔡卓妍)與陳偉霆自戀情曝光以來，不單傳出男方偷食、女方婚外情等負面新聞，連陳偉霆舊愛Angelababy亦踢爆Sa霆不止拍拖三個月。
留言列表
{{ article.title }}
