張栢芝今年 6月為謝霆鋒再追多個囝囝 Quintus，唔經唔覺前日已經係 100日。噚晚栢芝同霆鋒兩公婆喺灣仔福臨門幫 Quintus擺百日宴，大批記者聞風而至，場面相當墟冚。噚晚 7點幾，嫲嫲狄波拉（拉姑）已經帶埋 Lucas同 Quintus兩個乖孫到場，同各位親朋戚友影相。至於謝婷婷都一早到場幫手打點。到場嘉賓包括李琳琳同姜大偉夫婦、陳淑芬同個仔陳家豪等，家豪仲即時將乳豬同白灼蝦餸菜相放上微博。

放大圖片

拉姑同鬍鬚 Kong噚晚護送由菲傭抱住嘅 Quintus離開福臨門。

放大圖片

資料圖片

拒回應曾戀安仔 放大圖片

菲傭抱住 Lucas， Lucas見到咁多鏡頭，即時扭計。

另外，栢芝同老公謝霆鋒前晚出席栢芝細佬喺銅鑼灣投資嘅酒吧開張活動，最近忙湊仔嘅栢芝話有電影同廣告工作洽談中，佢又話一定會再生小朋友。講到細仔 Quintus出世 100日，栢芝前晚話之前都有食飯慶祝，佢話：「因為聽日老公要做嘢，所以先同屋企人食飯。」有傳栢芝曾同許志安拍拖，栢芝回應話：「我要睇咗報道先再回應。」後來佢捧出蛋糕為好友周麗淇預祝生日。


栢芝同霆鋒前晚拍住拖出席張柏文酒吧開幕禮，噚日就幫細仔 Quintus擺百日宴。

栢芝賀霆鋒牛一日日開餐

謝霆鋒今年生日不能休息，還要到山東偏僻地方拍戲！栢芝眼見老公冇啖好食，決定忍痛放下愛兒，做「跟得夫人」，更攜十篋行李溫馨同行，日日煮食幫老公賀壽，貼身服侍老公。由於霆鋒栢芝出埠，Quintus的百日宴就由嫲嫲拉姑打骰，宴請親朋。

霆鋒與栢芝十指緊扣現身機場，恩愛之情不言而喻。

霆鋒工作排得密密麻麻，前日剛陪伴二仔Quintus度過出世一百日後，昨晨便要到山東濟南偏僻地方為《劍俠情緣》開工，就連八月廿九日生日，他亦要着住古裝在酷熱天氣下捱世界。栢芝眼見老公為搵奶粉錢如此辛苦，遂決定放下Lucas與Quintus，做「跟得夫人」到濟南服侍霆鋒。

大會安排蛋糕預祝周麗淇生日，霆鋒栢芝上前祝賀。

「掛住」愛兒

昨晨九時四十五分，栢芝翹實霆鋒由四季酒店步出，雖然兩個兒子沒有同行，但從霆鋒與栢芝身上都看到愛兒蹤影。栢芝頭戴寫上「Lucas」的鴨嘴帽，霆鋒則戴了「Quintus」頸鏈，身穿黑衫透出shocking pink bra的栢芝，潮味十足。

兩人在四季酒店外打點後，便與工人乘坐七人車去機場。入閘前，栢芝用英語跟工人交帶事項，記者趁機上前訪問霆鋒，問到去哪裏？他表示：「去山東開工。（去幾耐？）十月左右返。」

據知，十篋行李入面大部分都是食物，因栢芝擔心霆鋒在偏遠地方拍戲冇啖好食，故帶定大量食材，準備日日開餐做霆鋒的貼身廚師，照顧老公起居飲食。據悉，霆鋒生日當天，栢芝更預備了神秘餐單與禮物，希望為霆鋒製造驚喜。

身穿黑衫透出shocking pink bra的栢芝，潮味十足。

希望生女

除了照顧老公，栢芝對胞弟張栢文亦十分疼錫。前晚栢文有份投資的夜店Prime Bar & Lounge開幕，栢芝與霆鋒齊齊現身撐場，栢芝跟栢文一見面更感動得相擁而泣。之後栢芝接受訪問，她笑指Quintus現在是十八磅肥仔，肥到轉唔到身，超級可愛。問到會否再生？她謂：「一定再生，生女都冇所謂，屋企依家有三條煙（Ace），多條Queen冇所謂。」另外，席間大會安排一個生日蛋糕為本月三十日牛一的周麗淇（Niki）預祝，栢芝與霆鋒亦有上前祝福。Niki在微博多謝栢芝：「這是我今年第一個蛋糕，她還叫我拍下來放在微博給大家看看，好開心好感動，好感激這位好友！」

為細孫搞百日宴 拉姑心情靚淨講多謝

新抱栢芝為陪老公霆鋒出外拍戲，負責照顧兩名孫仔Lucas與Quintus的重任，當然落在嫲嫲拉姑身上。昨晚拉姑為細孫Quintus在灣仔富豪飯堂福臨門擺百日宴，並邀請很多圈中好友出席。

手抱的Quintus由拉姑及鬍鬚Kong（左）護送離場。

約晚上七時許，身為主人家的拉姑乘車由曉廬出發，由於與李嘉欣同住該處，因近日傳出李嘉欣有喜，故門外已有不少傳媒在守候。

當拉姑座駕到達福臨門時，只見悉心打扮的拉姑先行下車，Lucas與「壽星仔」弟弟Quintus分別由傭人抱着入內。當記者上前恭喜拉姑時，心情靚爆的拉姑不停笑住講多謝。未幾，有份出席百日宴的賓客陸續到場，包括姜大偉、李琳琳夫婦、曹永廉一家三口與陳淑芬等。「單拖」出現的婷婷刻意穿上一件紅色外套，當見到有大批記者時，忍不住說：「嘩！乜咁熱鬧？」之後有工作人員拿蛋糕進場。

李琳琳（左起）、姜依蘭、手抱兒子的曹永廉及姜大偉父子有份到賀。

謝婷婷見有大班記者在場即說：「乜咁熱鬧？」

Quintus百日宴拉姑做代表

栢芝隨霆鋒北上，兩名兒子Lucas及Quintus則由嫲嫲狄波拉代為照顧。對孫仔錫到燶的拉姑，昨晚還特地替細孫仔Quintus於灣仔福臨門設百日宴。晚上七時許，拉姑與兩名孫仔乘七人車離開曉廬寓所直往灣仔，悉心打扮的她向記者笑笑口打招呼，Lucas及Quintus則分別由傭人抱着入酒家。其後出席百日宴的好友如姜大偉夫婦、曹永廉一家及陳淑芬等亦陸續到場，謝婷婷見到大班記者，即說：「嘩！乜咁熱鬧！」晚上10時，各賓客陸續離去。同場更見名模Jessica C.與一名女友人路過，她表示趕着回家。

Jessica C.否認參加百日宴。