因為佘詩曼介入，令陳豪與廖碧兒這對拍拖六年情侶，面臨分手邊沿，兩女更為了爭仔，搞到唔妥面左左。
作為「小生殺手」，從未失手的佘詩曼，認定陳豪絕對飛唔出其五指山，點知臨門脫腳，陳豪決定翻頭，重投廖碧兒，受到重創的阿佘即變輸家，於是一反常態，離開香港，避走半年。
情侶檔現身
已經有接近兩年，未再有以情侶檔姿態出現公開場合的陳豪及廖碧兒，上星期四（六月廿四日）竟然一齊著晒白色情侶裝，出席POMPEI旗艦店開幕，兩人更繑晒手，挨身挨勢煙韌行catwalk，仲破天荒一齊做訪問晒恩愛。
訪問期間，被問到同廖碧兒在台上煙韌，可會擔心另一個緋聞女友阿佘呷醋，陳豪即緊張同對方劃清界線︰「唔關我事，所有女仔都唔關我事。」之後記者問他是否在幫廖碧兒打咗支強心針？陳豪即做出一個打針動作，鬼馬地射向廖碧兒，氹得女友當場冧笑。
今次陳豪同廖碧兒肯再以情侶檔行騷，除了酬勞比單拖演出高出一倍外，最重要是廖碧兒藉今次亮相，公開向阿佘示威，向外界宣示重奪主權，陳豪仍然是她男友。
暗交半年
其實在去年底，自從阿佘同鄭嘉穎甩拖後，連續兩部劇《天與地》及《公主嫁到》，都是同陳豪合作，日對夜對接近半年，向來容易令合作對手動真情的阿佘，對住花旦至愛，個個吼住的陳豪，當然唔會白白錯過；加上陳豪細心經常請飲咖啡有風度，令她更加想將陳豪「捕捉」到手。
「嗰段時間阿佘同阿Mo（陳豪）的確行得好埋，成日一齊開工，食飯又一齊，喺廠未埋位之前又係黐埋一齊傾偈，搞到有啲人睇唔過眼，通風報信，話俾Bernice（廖碧兒）知，叫佢[目及]實個男友。Bernice聽到梗係㷫，佢哋亦因為呢件事搞到好唔開心，後來Bernice又要出埠拍戲，所以佢哋有一段時間冇見，亦好少同對方聯絡；就連阿Mo生日（四月十五日），Bernice都故意離開香港。當時佢哋的確係散散地，阿佘仲喺電視城飯堂幫阿Mo慶祝，十足女主人咁款。」知情者說。
美好回憶
阿佘冧陳豪，亦不時晒幸福，上月初二人同到杭州及北京，為《宮心計》宣傳，阿佘就在微博中留言：「三日兩晚嘅宣傳活動順利完成。給我一個很好嘅回憶，現在往機場途中，唔捨得！」能夠同陳豪離港相處，阿佘字裡行間，充滿留戀。
不過，陳豪同阿佘相好時間只維持短短半年，隨住廖碧兒在外地拍戲返港，回歸無綫拍劇，兩人見面機會增加，加上陳豪同阿佘又拍完《公主嫁到》，相處機會買少見少，幾經考慮，陳豪於是重投廖碧兒，同阿佘斬纜。
為了要氹番廖碧兒，陳豪經常借故去對方屋企探狗仔，知道廖碧兒要返無綫拍《居家兵團》，雖然自己亦忙住要拍《點解阿Sir係阿Sir》，但仍然主動請纓，幫她翻譯劇本，又經常做外賣仔，速遞咖啡俾廖碧兒提神，橋唔怕舊，最緊要受。
據了解，上星期的公開活動，亦是陳豪主動建議主辦單位，搵埋廖碧兒一齊情侶檔出現，以製造一個機會，公諸天下，誰是正印。
今次認真
至於一向溝仔無敵手，只有佢飛人無人飛佢的阿佘，今次失手於陳豪，終於謝晒！「阿佘其實好緊張同陳豪呢段感情，俾着以前，有雜誌寫佢乜都無所謂，但今次佢就好認真，成日驚嚇親阿Mo唔敢同佢一齊，好似之前有雜誌寫佢同阿Mo酒店幽會，阿佘竟然認真到搵律師告雜誌。」
可惜陳豪最終都係揀番廖碧兒，謝晒阿佘於是決定暫離香港，仲失驚無神接拍內地劇集《審死官》，避走橫店半年治情傷。「其實阿佘向來都好抗拒拍大陸劇，主要都係覺得環境差，喺內地又悶，之前就算有人出好好價，佢都推晒。唯一唔同嗰次，係幾年前同陳浩民拍拖，一齊拍過《乾隆下江南》同《帶我飛帶我走》兩部戲，開工兼拍拖，跟住都冇再拍。今次突然肯破例，都係因為佢想行開吓！」一名幕後工作人員說。
星期日（六月廿七日），身在橫店的阿佘，睇到陳豪同廖碧兒在香港公開煙韌，自己就甩拖孤零零一個，加上遇上停電，於是又在微博訴苦：「原來世界只剩黑色，感覺冰冷、無助……」
你死我活
佘詩曼、廖碧兒同被捧為無綫一線花旦，多年來二人在工作上鬥過你死我活，一直企穩一姐之位的佘詩曼，幾乎年年幫公司賺最多錢。但07年，阿佘的一姐地位突然滑鐵廬，當年廖碧兒憑住「咪霸」性感形象，成功吸引不少廣告客戶，加上與陳豪情侶檔"R"銀，結果砌低阿佘，成為最搵錢藝人第一位。
其後，有傳廖碧兒因不肯與無綫簽長約，被公司掟入雪櫃，阿佘亦順理成章重奪一姐之位。去年，阿佘仍在無綫的收入榜中稱霸，年賺1,200萬，廖碧兒雖穩守第三位，兩人仍然競爭激烈。
拖拉六年
陳豪、廖碧兒拍拖6年，雖然一直死口唔認，但早已被公認一對，其間二人亦多次被傳離離合合，男女雙方亦不時有緋聞傳出。
情戒
04年，陳豪與廖碧兒拍攝旅遊節目過電，其後又在劇集《妙手仁心Ⅲ》及《心花放》中飾演情侶，二人更高調戴上卡地亞「High Love」戒指。
父母不滿
06年，有指廖碧兒父母不滿陳豪「冇水」，下令分手，陳豪為廖碧兒立即換車。
多人爭
07年，有傳陳豪拍攝《珠光寶氣》期間，在泰國與蔡少芬出雙入對，同遊燕子洞兩小時，另外又有指陳法拉拍攝《通天幹探》時向陳豪大放生電，廖碧兒為箍實男友，學織溫暖牌冷衫。
事業心重
08年，陳豪不滿廖碧兒事業心強，二人和平分手，其後，廖碧兒先後被傳搭上女TB及空中少爺Dominic，不過，陳豪與廖碧兒仍保持友好關係，目的是繼續「情侶檔」形象，拍住搵錢。
永無失手
電力十足的佘詩曼，入行多年，拍劇幾乎都撻着對手，緋聞男友多不勝數。
陳浩民
02年，佘詩曼與陳浩民合拍電影《情緣汽水機》撻着，當時更傳出一段疑似二人的情慾對話。
張智霖
00年，佘詩曼與張智霖拍攝《十月初五的月光》，二人不時打情罵俏，阿佘更公然瞓在張智霖大髀上。
馬德鐘
06年，合作《鳳凰四重奏》傳出緋聞，其後馬德鐘更被拍得坐的士到女方住所。
吳卓羲
有傳佘詩曼拍攝《歲月風雲》時搭上吳卓羲，二人曾在夜店Basement玩坐大髀公開親熱，其後更有指阿佘送了一架200萬跑車給對方，吳卓羲被指為「軟飯王」。
鄭嘉穎
07年，佘詩曼與鄭嘉穎拍攝《法證先鋒》時互生情愫，戀情逐漸浮面，多次被拍下同車及到鄭嘉穎寓所過夜，去年二人正式分手。
在活動上兩人真情流露，廖碧兒更胸壓陳豪，男方顯得相當受落。
據知今次是陳豪提議搵廖碧兒一齊以情侶檔姿態出現，在訪問中陳豪大讚女友在《談情說案》中演技成熟和演得放。
6月27日
見到陳豪同廖碧兒在香港公然煙韌，阿佘苦悶在橫店拍戲，所以在微博上呻無助。
6月7日
六月初阿佘同陳豪到杭州及北京宣傳《宮心計》，兩人在台上不時傾偈，事後阿佘在微博留言表示唔捨得這次旅程。
早前阿佘為保護同陳豪關係，更出錢請律師告週刊誹謗。
自從去年八月阿佘同鄭嘉穎甩拖後，阿佘便視陳豪為獵物。（《蘋果日報》圖片）
目前阿佘與郭晉安身在橫店拍攝《審死官》，現場所見阿佘在鏡頭後，經常悶悶不樂。
今年初阿佘同廖碧兒在《七十二家租客》宣傳活動中碰頭，兩人因為爭陳豪，在見面時已面左左。（《忽然1周》圖片）
對住超過半年，在《公主嫁到》中又全程要打情罵俏，難怪阿佘有機可乘。（《蘋果日報》圖片）
今年三月廖碧兒與陳豪處於冷戰階段，兩人在活動碰頭都表現生疏。
一齊回應
問到是否復合，廖碧兒沒有否認，表示是公司安排一齊工作，同之前一樣都係好朋友，至於一提到阿佘，她就不值一提：「冇嘢好講！」
至於陳豪明顯同女友夾定口供，回答同一答案，至於覺唔覺重創阿佘，他說：「都係傳啫！」然後直颷入廠，唔肯回應。
陳豪重創佘詩曼 情敵廖碧兒胸壓示威
廖碧兒示威佘詩曼
因爲佘詩曼的介入，令陳豪與廖碧兒這對相戀六年的情侶面臨分手邊緣，兩女更爲了爭男人，搞到關系僵硬。
作爲“小生殺手”，從未失手的佘詩曼，認定陳豪絕對飛不出其的五指山，隨之臨門脫腳，陳豪決定放棄佘詩曼重投廖碧兒懷抱，受到重創的佘詩曼即變輸家，于是一反常態離開香港，避走半年。
留言列表
{{ article.title }}
