舊愛涉偷拍百果園 DaDa 陳靜墮模界慾照風暴 face週刊 160期 @ 娛樂八掛大放送★

'10野外露出
唔怕性感，只要露得靚嘅 DaDa，日前為本刊影咗輯野外露出終極 sexy相，白 tee腋下露出半球豪乳。「只要有衫着都 ok，不過家仲未接受到全裸同淨係着內衣行 show，始終有啲肥肉嘛。」

封面

舊愛涉偷拍　百果園 DaDa墮模界慾照風暴

2010年06月16日

百果園 E神 DaDa（陳靜）自從今年 3月轉簽施念慈的模特兒公司開胸突圍後，即成宅男新寵， DaDa接 job接到手軟，大晒胸前 4吋事業線。不過巨乳成災，她除被口痕龍友公然調戲「想同你對波影相！」外，近日竟收到變態電話及在其 facebook內留言性騷擾，搞到女神終日提心吊膽，更打算報警備案買個安心。
日前，她更向本刊大爆曾被前男友偷拍床照，更意外發現男友私藏數百張裸女相，當中一女更是數年前曾活躍一時的 CM索模 B小姐。

'07男友偷拍睡衣相

當年 18歲 DaDa嫩口身材正，雖然有着吊帶睡裙，但變態男友亦唔放過偷影， DaDa一於詐瞓，事後趁男友瞓着先 delete番啲相。

靚仔賤男友

• 27歲
•日式連鎖餐廳太子爺
•高大靚仔

DaDa18歲時識嘅賤男友，現年 27歲，家族經營飲食生意，與 DaDa拍拖期間同時擁有寶馬、 Audi等多部名車，由於身材高大兼白淨靚仔，氹到唔少女除衫影慾照。

驚揭 model慾照

DaDa無意間發現男友電腦內私藏幾百張性感女相，其中有個仲係幾年前拍過多個廣告嘅 CM女 B小姐，相片中，女模 B有全裸背脊露股罅及齋着 bra嘅激照。

CM謎女郎

•現年約 32歲（未婚）
•中等身材
•英文名首字母係 B

CM女模 B小姐大約 6、 7年前拍過銀行、化妝品等廣告，現已退出模界。

吸金 E神

上位後， DaDa連接多個廣告， 6月中先有 online game廣告於香港播出。之後再去台灣為服裝品牌宣傳，然後又返大陸為另一 online game做代言人，每個收$10萬，連埋 6月做 10幾個商場騷，已穩賺$50萬。

21歲 o靚模 DaDa，跳出百果園清純 look後，今年轉走性感路線，不停以水着 look晒 33E豪乳為下月的寫真書戰鋪路。人紅翻舊帳，有指 DaDa本屬 A cup微波，近年卻突然升 cup變 E神，連樣貌亦神奇變靚。被指整容，日前接受本刊訪問時， DaDa輕鬆回應：「冇咗 baby fat，加上化妝唔同晒咪靚咗囉！（胸都升 cup喎？）以前着 tube bra，家着 push up bra嘛！」

被偷拍詐瞓

撇甩偷影賤男後， DaDa到入行後才被揭曾與譚詠麟力捧的藝能新人王宗堯(Gregory)拍拖一年多，分手後再見亦是朋友。

樣靚多人追， DaDa被揭曾與譚詠麟力捧的新人王宗堯相戀，二人在微博上互相關注， 5月更在男方微博留言：「你的貓作反了沒？ Haha，要幫忙叫我。」
提到其他舊男友， DaDa卻突然咬牙切齒，怒爆曾被前度偷影床照惡行，至今對賤男仍餘怒未消，她憶起說：「大約兩年半前，我啱啱搬新屋，當時睡房嘅窗簾未整好，我就戴住眼罩瞓覺，半醒期間，發現男朋友拎住部電話影我相，當時我好嬲，但因為我都有着睡裙，就一直扮瞓，等佢瞓咗，我先拎部電話去廁所 delete晒啲相。其實同佢拍拖嗰一年半間，佢都曾經開口問我可唔可以影啲性感相珍藏，但我一口拒絕，之後佢冇再問喇。」

有冇整過？

《壹週刊》圖片

有傳 DaDa五官及 33E巨咪全靠後天加工先咁震撼，但睇番佢 07年為雜誌做 model時影嘅舊相，發現其實分別不大，當時 DaDa已經眼大面尖，冇乜豬扒味，為力證自己純天然， DaDa早前更接受家庭醫生關嘉美驗胸，證實冇做過手腳。 DaDa話：「我真係冇整容 o架！個樣靚咗係靠化妝，戴大眼仔同畫粗 eyeline，視覺上真係可以拉大雙眼；個胸望落大咗，係因為以前成日着 tube壓扁咗好似好細，家着有 push up嘅泳衣，再用埋 wonder bra， C都變 E cup啦！」

Model裸體相

漏大包 DaDa影相時極之專業，即使件 bikini top包唔晒 34E巨咪， DaDa都肯着上身兼狂擺 pose任影。
漏大包
DaDa影相時極之專業，即使件 bikini top包唔晒 34E巨咪， DaDa都肯着上身兼狂擺 pose任影。

以為刪除床照相安無事，原來男友卻是偷影狂。「有日我用男朋友部電腦，唔覺意發現佢私藏咗幾百張女人相，嗰 6、 7個女人有啲玩 cosplay、有啲半裸、甚至全裸。（全部都係偷拍？）有啲擺明畀佢影，其中一個仲係幾年前拍過多個廣告嘅 model，不過近年已經上咗岸冇做。睇完嗰批相，我覺得佢好恐怖，又怕自己日後成為受害人，所以即時玩失蹤，咁多年來，佢都有 keep住搵我，但我唔敢再接觸佢。」

12/6半夜收鹹 call

我尋日仲讚你下面同××好黑

突然收到匿名 call變態男騷擾，嚇到 DaDa唔敢瞓。 DaDa連幾時幾分都記得一清二楚，睇怕唔會假。

同過氣女神 Kama（左）同場，雖然對方紮起件波衫露腰搶鏡，但因被指愈整愈唔自然，人氣仍然唔夠宅男新寵 DaDa高。

收變態電話

經歷過前度賤男慾照風波，近日狂晒咪的 DaDa亦開始被宅男騷擾，甚至半夜收變態電話，嚇到女神成晚唔敢瞓，翌日向經理人哭訴。
DaDa對本刊憶述：「嗰晚（ 6月 12日）凌晨 5點 41分，有個冇來電 call，個男人故意壓低把聲問『喂！你瞓咗未呀？』跟住我『吓』一聲，佢就繼續扮聲話，『你唔記得我嗱？我尋日仲讚你下面同××好黑……』嚇到我即刻收線，之後佢仲連續打來，我驚得滯冇接，隔咗陣就冇再打來喇！」
性騷擾陰影襲 DaDa，她與經理人商量後隨即有行動。「下次個變態佬再打嚟，我一定會報警。」有聲仲有文， DaDa的 fb亦開始有口痕友留言滋擾。「試過有個人喺 fb留咗段字，話我『你着蝴蝶結泳衣好靚，個蝴蝶結同個胸部線條比例啱啱好，影得你個胸好均勻，好彈……」女神遇狂迷， DaDa使唔使封咪避吓風頭呢！