娛樂八掛大放送★

城城延期2年結婚 熊黛林喪買洩憤

47歲郭富城同熊黛林（Lynn）拍拖6年，有傳本來今年結婚，但城城拖得就拖，現在決定延期兩年，令Lynn非常冇癮。週一（10日）下午，好姨中環撞到剛剛出席完活動Lynn，城城如常冇陪佢，得佢同助手行置地廣場睇潮衫潮袋。當日Lynn購物意慾好高，多間舖頭不停試衫，似乎係換季買秋裝喇！行足2個鐘頭，Lynn離開商場上車走，以為佢打算歸家，原來係轉場到雪廠街髮型屋整頭，一整就整足三個鐘。

整完頭後，已經晚上8點幾，但Lynn似乎唔肚餓，晚飯都唔食就繼續去ifc買衫，斬獲甚豐。好姨問佢點解唔睇埋男裝，佢就笑笑話：「唔睇喇，唔想俾你話呀！」最後Lynn行到9點幾先返歸，前前後後玩足7個鐘，實行買衫扮靚發洩！

冇辦法啦，鬼叫早前自言50歲前必定結婚城城，突然轉口風話：「大家奇怪我點解唔結婚，可能是性格問題，我掉唔低工作，我責任心好強。(女友熊黛林會否好傷心呢？)大家覺得對身邊女友係咪好辛苦？我覺得要搵一個人能夠同你走完下半生，對方必須要明白你，如果唔能夠接受同明白話，唔能夠一齊走到尾。」

城城講到咁，即係要Lynn繼續等，有指城城為番Lynn開心，打算完成演唱會同新電影《寒戰》宣傳後，就同佢去馬爾代夫旅行。其實除延期結婚外，城城情人節會送鑽飾俾Lynn，Lynn父親患癌，城城又為佢介紹名醫，都算係咁，難怪Lynn願意癡癡地等。

放大圖片