當年今周
當愛已成往事
媽咪姐最近有個姊妹同老公鬧離婚，日日喊苦又喊忽。唉，當愛已成往事，做乜都冇用。倒不如好好安排吓新生活仲好。
2004年 7月，樂壇天后林憶蓮跟音樂人李宗盛共同發聲明，結束短短 6年婚姻。正當外界消化佢哋離婚消息之際，男嘅已經回復心情，買酒杯返屋企開 P；女嘅則攜女返港安頓新生活，再次開拓銀色事業。
咪以為失婚女人含辛茹苦湊大個女就係 end of the story。事實上，憶蓮絕對活得比你好。離婚半年即跟舊男友陳輝虹舊情復熾，音樂上亦密密開演唱會。雖然「虹蓮戀」最終未能開花，但 2011年，當時 45歲嘅憶蓮跟年輕 13載嘅恭碩良爆出姊弟戀，如今兩人仲發展得頗順利㖭。所以話，離婚唔係世界末日。或者好似憶蓮離婚聲明話齋：就讓生命多添一種顏色吧。而呢種顏色，正好令人茁壯成長。
憶蓮攜女返港
憶蓮與李宗盛於 1998年奉子成婚，同年誕下囡囡李喜兒。離婚後兩日，憶蓮帶女兒返港，讓女兒盡快適應香港生活，並且為佢搵學校。
檔案編號第 469期
日期 23/7/2004
前夫買酒杯開 P
發離婚聲明當日，李宗盛先同友人去北京火鍋店醫肚，之後再到家品店買酒杯返家嘆紅酒，心情未受離婚影響。
檔案編號第 468期
日期 16/7/2004
苦戀李宗盛
李宗盛跟林憶蓮 1992年合作《霸王別姬》主題曲〈當愛已成往事〉，埋下情根。當時李宗盛已婚，林被指係第三者。 1998年，兩人修成正果，並於加拿大結婚。
再撻陳輝虹
憶蓮離婚後跟舊男友陳輝虹再度撻着，可惜戀情不到兩年便結束，男方更於同年跟音樂人黃丹儀結婚。
暗恭碩良
2011年 1月，憶蓮舉行巡迴演唱會，與恭碩良爆出姊弟戀。今年 4月，憶蓮坦言享受曖昧嘅感覺，卻未有承認恭碩良嘅身份，戀情像霧又像花。
全站熱搜
留言列表
{{ article.title }}
