李司棋兩母女一度反面,不過近年關係得以修補。女兒子青(左)、女婿(右)見到得意三文治錢包,即買嚟送俾媽媽,搞到司棋姐歡喜到當場「食包」。

媽咪姐

李司棋晒溫馨

2012年07月27日 ~~ 第887期 忽然1周

今年四月司棋姐同 King Sir(鍾景輝)合演舞台劇《金池塘》,因為太受歡迎,大會決定加場。而今次安排仲有個好特別嘅地方,就係司棋姐個乖女葉子青同女婿黃安信,將會喺劇入面做番司棋姐嘅女同女婿。話說之前扮演司棋姐劇中女兒嘅舞台劇演員啱啱有事演唔到,子青就自動請纓幫媽咪手。佢同老公都喺加國 AI電台做嘢,今次能夠一齊請假返香港,真係好難得。

媽咪姐前兩日去過睇綵排,見到司棋姐不知排得幾冧。原來乖女同女婿今次返港,就住喺司棋姐屋企,佢哋一齊排戲,有時三人撐枱腳,有時去街市買餸返屋企煮吓飯仔。台上台下都溫溫馨馨,咁咪皆大歡喜囉。


台上合拍演出
李司棋舞台經驗豐富,不過女兒子青(左)完全係新手。好彩子青有媽媽私底下幫佢惡補,綵排時對住前輩劉錫賢都表現 OK㗎。


台下密密送禮
子青知道媽媽近排打乒乓波修身,特意送上一大袋乒乓球,一家人和和諧諧咁咪好囉。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    tvb4life 發表在 痞客邦 留言(0) 人氣()