33度扮盲「焗桑拿」
馬明呢個盲公行得快之餘，行到半路仲攞咗部相機出嚟影梁烈唯。所以話，「雲信大哥」嘅下一步，真係估佢唔到！
嘩！真係熱到盲都識影相呀！（設計對白）
媽咪姐
由三國回到中環 馬國明熱到爆
呢期《回到三國》大熱，媽咪姐梗有追，仲好 like飾演司馬信嘅馬國明㖭。雖然有網友插佢演技浮誇，但佢演繹「港男十八式」真係夠搞笑吖嘛！前排媽咪姐就喺中環撞到馬明為新劇《戀愛季節》拍外景。當日佢篤住枴杖戴黑超，假扮盲人追蹤梁烈唯。現場所見，呢個鬼馬盲公不但健步如飛，仲識拎住部傻瓜機影相，好搞鬼吓。而就算唔使埋位，馬明都仲要同湧埋嚟嘅 fans合照，難為佢烈日當空熱足一小時呀！
至於梁烈唯就舒服好多，佢同場有一幕同賈曉晨喺的士拍嘅文戲，拍攝時已經攞正牌嘆冷氣，就算唔使埋位，佢同 JJ（賈曉晨）亦賴死唔走，真係同人唔同命呀！
Yeah！我司馬信終於返嚟嘞！（設計對白）
粉絲塞爆行人路
「雲信大哥」咁 hit，一喺蘭桂坊出現，就算係閒日都引咗大班粉絲，塞喺行人路唔肯走狂影。
「雲信大哥」喺現代出現，自然大把 fans要求合照，出名 nice爆嘅馬明梗冇托手踭，仲玩自拍，主動同 fans頭貼頭影合照，真係抵佢上位嘅！
馬明埋位前同梁烈唯一面吹水，一面篤住盲人枴杖，相當入戲。不過佢企緊喺馬路，真係要小心呀！
唯唯 JJ嘆住拍
梁烈唯奉旨同賈曉晨喺車上談情，都黐咗一陣冷氣嘆，最辛苦都係負責企街嘅馬明，而賈曉晨就全程嘆冷氣，最嘆！
大熱天時孭住件牛仔西裝褸，真係「拍劇十大酷刑」之一！所以導演一嗌轉景，馬明等唔切上廠車，即刻除褸。但佢仲識對住媽咪姐笑喎！相比隔籬無表情嘅唯唯（左）同 JJ（右），呢啲咪叫襟撈囉！
全站熱搜
留言列表
{{ article.title }}
