周星馳(星爺)入行二十八年,時至今日成為國際知名的天皇巨星,但一直以來私生活卻十分低調,給人一份神秘莫測的距離感。

數到對星爺最瞭如指掌的人,莫過於現年七十歲,單親媽媽一手湊大星爺的星媽——凌寶兒,她破天荒接受本刊獨家專訪,親爆星爺不為人知的7大絕密秘聞。當中,還包括多年前星爺受到一位「影圈大哥」威嚇,連累星媽接獲對方電話粗口問候。

如今仔大女大,大可享仔福,不過,星媽仍日日堅持煮一頓「住家飯」給同住的兒子吃,原來是一份愛的表示,她說:「佢(星爺)唔鍾意出街,既然事業上幫唔到佢,咪盡量呢餐飯自己整囉。」

星爺近年的髮型一成不變,九一分界留長髮,星媽透露:「我見佢有打畀啲髮型師約整頭㗎,不過,我聽講佢成日畀人剪到一半,就會要求自己剪噃。」

1.沉默寡言似自閉

外界對周星馳(星爺)的誤解,多少緣於他的孤僻個性,據凌寶兒(星媽)透露,星爺自少便沉默寡言,喜歡獨來獨往,她憶述兒子的童年往事說:「以前都驚佢係自閉,成日唔出聲,淨係鍾意揸住窗門兩條鐵望住街上面嘅人,就算一齊飲茶,佢都係望隔籬枱,好似好多嘢諗咁。」

小學三年級,星爺便以行動拒絕星媽再接放學,這一幕星媽仍歷歷在目,「有日我去協和小學接佢放學,佢一支箭咁打橫跑過馬路走咗去,自己搭車返咗屋企,我返到去話咁樣亂跑好危險㗎,佢就話:『你唔好再嚟接放學啦,啲同學笑好肉酸㗎。』之後我都冇再接過佢。」

星爺一向沉默寡言,星媽更曾懷疑兒子有自閉症,後來當然知道是孤僻性格而已。

與星爸離異後,星媽獨力撫養幾個兒女撐起成頭家。

三姐弟妹中,星媽覺得星爺不出街、不出聲反而是最乖一個,最大嗜好是到公園模仿李小龍打功夫。

2.被影圈大哥威嚇

知子莫若母,在家時星媽也不會「囉囌」兒子過問他太多,而星爺亦鮮有和星媽爭吵或向母親發脾氣,通常只會一粒聲唔出返房閉關。家人當然可以體諒、明白,但外人卻未必,星爺獨來獨往不賣帳的性格,曾經便惹來一位「影圈大哥」不滿,牽連到星媽受到對方的電話威嚇。

星媽對本刊爆出驚人內幕:「嗰個人打嚟講晒粗口,類似問我點教仔㗎?周星馳依家咁樣、咁樣,搞錯呀,想搵佢食餐飯都難,咁唔畀面?小心啲呀!我聽完都有講畀星仔聽,佢又係聽完冇出聲囉,唔知佢有冇處理喎!」

星爺不賣帳的性格曾惹「影圈大哥」不滿,星媽就曾接獲對方夾雜粗言穢語的電話威嚇。

跟着,「影圈大哥」還提出無理的要求,自己搬了新居,邀請星媽去參觀,然後暗示星爺一家人要搬屋與他做鄰居,她繼續說:「之後九七移民潮,佢移民又話預埋隔籬間屋畀我哋,係類似覺得住埋隔籬左右方便控制啩!」

據知,星媽所指的「影圈大哥」,曾對星爺有知遇之恩,母子對他都十分感激,可惜他的一套師徒式思想,意欲箝制星爺接拍其他公司的電影,星爺「受軟不受硬」,雖受到威嚇但不妥協。星媽再透露:「我諗多少有啲妒忌嘅,嗰時星仔簽咗一間大公司幾部片約,佢(『影圈大哥』) 咪有啲覺得星仔唔畀面囉!但其實星仔一早簽畀TVB十年約都未完,全部由TVB去傾,都唔關佢事。」據悉後來一位電影公司老闆出面,買斷星爺原屬於「影圈大哥」公司的片約,事件才得以解決。

3.踢爆老竇有外遇

現年七十歲的星媽,單親媽咪湊大星爺及兩姊妹,是一位堅強母親,重提當年與星爸的離婚原由,星媽坦言是由兒子發現丈夫有第三者,她說:「有一日我帶幾歲大嘅星仔去戲院睇《埃及妖后》,佢話去廁所,點知返嚟話見到爸爸拖住另一個女人。嗰時我真係冇唔開心,離婚就離婚,可能因為大家一早唔夾,反而係一個了結。」

離婚後星爸為他們付房租,但孩子卻由星媽獨力撫養,高峰期她曾一日做三份工,包括天台小學教師、醫務所登記護士,晚上則為人裱畫賺外快。她說:「我嗰時又真係好獨立喎,覺得自己實搞得掂。」

雖然,改嫁可能會在精神上和經濟上得到依靠,但堅強的星媽卻從沒想過,「帶住幾個細路仔,又驚人哋唔知會點對佢哋,怕佢哋畀人蝦呢!」然而,生活再艱難,她仍咬緊牙關,她以滿自豪的口氣說:「我從來冇要佢哋捱過肚餓,就算借都借畀佢哋食啦!不過,呢世人我敢講,從來未借過人一毫子,我就係性格唔認輸!」

星爺對星媽孝順有加,信用卡任用之外,出入更有司機專車接載。

arrow
arrow
    全站熱搜

    stinglife 發表在 痞客邦 留言(0) 人氣()