探熱針
限量 333部全港唯一 城城四百萬辣跑落地
堅稱自己是單身的郭富城，冇拖拍但嗜好多一樣分身不暇，兩度做馬主的他，早前考埋船牌，準備買遊艇做船主。
水上「新玩具」和新城嫂暫時未物色到，但另一「新歡」——價值超過四百一十萬的 Audi R8 GT Spyder就剛剛到手。日前本刊記者直擊城城到金鐘攞車，對於全球限量只有 333部，港、澳只獲分得兩部配額的辣車，城城急不及待鍊番轉。
即攞即玩
做了馬主再準備做船主的郭富城，又 N度做車主，屬於他擁有的第十七架新車已經落地。十二月十二日，在中環置地廣場出席完活動，急住離開的城城與經理人小美坐保母車，撲去金鐘 Audi陳列室。
去到車行，職員第一時間帶城城去睇他的「新玩具」，只見他極速跳上司機位，其間不斷測試開篷功能，徹底檢查完後，再由工作人員將車駛離車行。「新寵」到手，城城爭取時間享受，當下就上車鍊番轉，他一開車，轟一聲颷走，幾秒後連車尾都見唔到。
到目前為止香港只有城城擁有這款車，他一上車就將車頂開篷，似乎十分滿意。 
在車行內城城與職員傾車經，講到手舞足蹈。 
今年城城代表 Audi香港參加賽車比賽，奪得總季軍。 
架車一到手，城城就同「老婆」影合照。
情有獨鍾
據了解，城城這部 Audi R8 GT Spyder開篷跑車，全球限量生產 333部，而香港及澳門兩地共獲兩個配額，暫時香港唯一城城擁有，車價要四百一十二萬八千，但據知新車主城城一毫子都唔使花。
事緣近兩年城城以賽車手身份代表奧迪香港出賽，連續兩年都在非專業組排名總季軍，由於銷情有大幅提升， Audi亦借花敬佛，講明只要有新車推出，而城城又喜歡，就會無限量提供。
而城城之所以心儀這部車，除了車以罕為貴外，車款也與他在賽車場上所揸的是同一個型號，特別有感情。
在活動上城城心情勁靚，原來當日他工作完就去攞新車。 
上星期城城與楊千嬅到北京出席頒獎禮，他們分別奪得影帝及影后獎項。
昂貴玩具
過去郭富城手上總共擁有 16部車，架架頂級名牌，唔係林寶就法拉利，齋養車已經花過百萬一年，當中數到最貴，非幽靈之子莫屬。
留言列表
{{ article.title }}
