提供 4款生蠔，來自愛爾蘭、美國及澳洲，前者味道中性，美國較 creamy、澳洲則海水味濃，淡至濃順序吃。

潮𡃁便當

元旦$400以下 Brunch buffet

2012年12月26日 ~~ 第292期 Face

2013下星期就到，梗要擦餐勁！
走 hea mode，唔想一早起身；走慳家 mode，唔捨得喺平安夜、聖誕豪擦，不如揀元旦 brunch時段補番心靈損失，$400就得，經濟實惠，值得拍板。

生蠔任食　加鐘狂擦

宏觀坊間 brunch buffet，多由正午 12點開始到下午 2點半，帝都酒店 City Art Restaurant卻零零舍舍 11點鐘開始，更多時間擦！還提供無限量即開生蠔（ 4款選擇，愛爾蘭、美國及澳洲），上碟時由海水味淡至濃順序端來，唔馬虎。另外提供燴波士頓龍蝦，用上忌廉湯烹調，龍蝦肉內更加入焗腍的南瓜蓉，肉汁更豐盈。更有即場燒澳洲 M4和牛，亦有天婦羅、刺身、沙律、甜品等，尚算多元化。

意式燴波士頓龍蝦

龍蝦內除了芝士，含南美蝦、意大利瓜等材料，好讓味道更豐富。

開心果蛋白撻

選用果仁味特濃的伊朗開心果攪拌其他材料成醬，以吉士醬佐底，表層則焗至金黃色，入口先脆後軟，好滋味！

日式爐端燒拼盤

最特別乃燒澳洲和牛，選用牛隻肉眼部位，肉質軟腍。和牛即叫即燒，有效鎖住肉汁，包保熱辣辣。

City Art Restaurant助理行政總廚張偉林

推介波士頓龍蝦，除了用上南瓜肉，還會用加了魚水的忌廉湯燴煮龍蝦，比起一般以芝士焗釀的造法，較少見。

City Art Restaurant

地址：沙田白鶴汀街 8號帝都酒店 2樓
電話： 2694 3968
價錢：成人$388，長者及小童$268。
時間： 11am-2:30pm

法式鹹酥皮蛋撻

Kudos餐廳元旦 brunch buffet以蛋為主題，看以平平無奇，但一款法式煙肉蛋撻，乃法國當地傳統早餐，坊間少見，蛋撻外層為鹹酥皮、入面則是蛋黃鮮奶拌成的醬，加入芝士、洋葱、煙肉、豆蔻等材料焗成，設計這道菜，全因餐廳總廚岑大廚，乃法國藍帶師傅，對法國菜特別有心得。除了主題菜式，餐廳亦提供燒牛肉及豬柳，當中豬柳加入丁香及蜜糖焗成，學外國慶祝節日的食法，仲有一系列應節甜品例如栗子慕絲、迷你免治批及最近好 hit的 macaroon，$270來說，有驚喜！

法式煙肉蛋撻

鹹酥皮入口鬆脆，內裏的蛋漿軟綿綿，由於加入芝士、洋葱及煙肉，帶奶香亦帶鹹香。

以英式傳統早餐 egg benedict作為 2013年第一餐，夠晒豐富！

牛肉即叫即煎即切，通常只會煮至 7成熟，肉汁豐富。

甜品有一系列應節曲奇、栗子慕絲、迷你免治批及 macaroon等，其中最特別是迷你免治批，個名就叫免治，但入面有提子及果醬，仲充滿玉桂香添！

Kudos行政總廚岑均偉

推介 egg benedict，荷蘭汁我哋用了蛋黃、牛油、檸檬汁等材料，烹調時火不會太熱，上碟要快，汁先可以呈漿狀，好講經驗。

Kudos

地址：銅鑼灣禮頓道 8號香港銅鑼灣皇冠假日酒店 1樓
電話： 3980 3000
價錢：成人$270，小童$150。
時間： 11:30am-2:30pm

POP爆芝士蛋糕

市面好多酒店都識得以食物為主題，例如龍蝦、鵝肝、黑松露等，比比皆是，九龍酒店 The Window Cafe今年卻從聲音入手，元旦 brunch buffet以"POP"做主題，來個拉禮物炮「噗」一聲慶祝之意。自助餐多道菜式應主題設計，一款芝士餅，先點朱古力醬，再點上金金銀銀爆炸糖，隨客人點幾多，想幾爆有幾爆。另一款鐵板燒牛扒，鋪上香脆黃糖，當日更附上青椒粒汁，啱晒大細路食客！

爆炸脆皮朱古力芝士蛋糕

內層乃美國忌廉芝士餅，點上朱古力醬後，可按需要再點金銀色的爆炸糖，入口先脆後軟。

焦糖和牛牛肉

將黃糖煮熱後加入胡椒，待其冷卻，再鋪在牛肉表面，表層香脆，牛肉軟腍，口感豐富。

鐵板香煎鵝肝和牛漢堡

先將鵝肝釀入漢堡內，好讓煎香時漢堡吸盡鵝肝油分，既有肉香又有鵝肝甘香。

The Window Cafe助理總廚利永安

推介鵝肝和牛漢堡，雖然已推出一段時間，但我們不斷改良，例如用上澳洲和牛牛肉，更加矜貴。

倚窗閣 The Window Cafe

地址：尖沙咀彌敦道 19-21號九龍酒店 2樓
電話： 2734 3803
價錢：成人$318，長者及小童$248。
時間： 12nn-2:30pm

龍眼花蜜蛋糕

睇番 Cafe Serena元旦的 brunch buffet，就知道玩多國風情，好似螺頭花膠老雞湯非常中式，夠滋潤；馬來西亞薄餅，由師傅即製，熱辣辣又香脆，餡料可甜可鹹，加埋有正宗拉茶飲，好星馬風情。當然，餐廳亦有刺身、關東煮等日本菜式，但不得不提的，還是甜品南瓜芝士蛋糕及蜂蜜蛋糕，前者選用了日本南瓜，並以常用於日式甜品的三溫糖取代砂糖，更加清甜；後者則是餐廳首次推出，用上龍眼花花蜜，蜜味突出，似足日本蜂蜜蛋糕。