小特搜
搜機
陳錦鴻 古董當時興
Nokia 1280
當媽咪姐 70歲老竇都轉用 iPhone嘅時候，今時今日仲有藝人用緊非智能手機，都咪話唔神奇。其實陳錦鴻拎佢部 Nokia古董電話出 嚟 嗰陣，媽咪姐以為佢講緊笑。「部電話用 咗幾年啦，我淨係用 嚟打電話、 send短訊，呢部夠用啦！兩 嚿水咋大佬，唔見 咗唔會肉痛嘛！」又好似幾有道理喎！
郭晉安偏心爸爸
媽咪姐問勻都冇人用最新手機，要數最跟貼潮流 嘅，就係郭晉安呢部 Samsung SIII，不過都出 咗差唔多半年啦。「 Samsung個 mon（熒幕）夠大，最 啱俾小朋友玩 啲益智遊戲。」郭晉安仲同媽咪姐分享佢 14個月大小 B女 嘅可愛 wallpaper，但阿仔呢？呢個爸爸好似偏心 咗少少喎！
個 mon夠大
Samsung SIII
方力申 殘爆保護貼
方力申屋企有錢係人都知，但佢原來都幾慳家。你睇佢部電話，前後都殘舊不堪，張保護貼都變到矇查查。問佢點解唔換新機，佢就解釋話自己成日喺大陸，冇時間換。有冇咁忙呀！
邊得閒換？
iPhone 4
岑麗香 專一女神
隻身 嚟香港發展 嘅香香女神，係 iPhone忠實擁躉，「我由 2G開始一直用到 4S，遲啲有時間我都會換 iPhone 5。有人試過俾其他牌子我玩，不過我 㩒 嚟 㩒去都唔慣用 Android模式，所以暫時都唔會考慮轉其他牌子。」除咗夠長情，香香仲係一個孝順女，睇佢 wallpaper都用父母合照就知啦！
唔識用 Android機
iPhone 4S
郭羨妮易襯好揸手
郭羨妮一直用開 iPhone，機殼揀白色， wallpaper亦夠晒簡潔，係用一朵紫色蓮花。「其他牌子愈出愈大部，反而呢個牌子細細部好揸手， 啱女仔用！」
細部易揸手
iPhone 4S
全站熱搜
留言列表
{{ article.title }}
