同老公企到離行離列，一個煲煙、一個週圍瞄，郭羨妮一瞄到有鏡頭，即刻做 嘢。
FBI
郭羨妮強國老公冇公德
FBI喺呢行做咁耐，最睇唔慣有 啲明星講一套做一套，對住鏡頭例牌扮晒魚蝦蟹，仲有鋪一出事就惡人先告狀癮，成日老屈記者生安白造。唔好講咁多，有圖有真相，睇下你 哋點狡辯囉！
見鏡頭扮恩愛
前週三（ 17日）咋嘛， FBI喺清水灣半島撞到郭羨妮同朱少杰兩公婆。平時成日 喺微博晒恩愛讚老公上進， FBI就睇住佢兩個當日離行離列等的士，國產老公朱少杰仲要鬼咁冇公德心，煲完煙掉煙頭落地。唔係 噃，後尾佢兩個明明又繑又攬仲要有手尾踎低執煙頭㗎喎？咪就係郭羨妮見到 FBI個鏡頭， 嗱 嗱聲向老公通水，跟住一齊做戲補鑊囉！今次 FBI俾晒你睇，藝人真面目一目了然啦！
執煙頭
明明掉 咗煙頭落地下，朱少杰聽完老婆提水， 嗱 嗱聲執番佢，一早掉落垃圾桶就唔使咁多餘啦。
扮恩愛
未發現 FBI時各有各行，一發現鏡頭，郭羨妮繑實老公又摸面又咬耳仔，記者都冇嗌 action，慳番啖「戲」啦！
冇風度
裝模作樣都冇用，提少句 啫，上的士時朱少杰就搶住 喺老婆前面上的士喇，貫徹強國人乜都搶作風，呢 啲先係真面目！
全站熱搜
留言列表
{{ article.title }}
