黎芷珊用咗半年籌備《最佳男主角》，當正自己親生仔一樣，肯定唔想俾其他人插手！
真面目
鬥碌咭 有線陸浩明過檔爭節目 黎芷珊鬥霸女主角
查小欣的《爆足一週》收視愈跌愈低，由最初的 17點暴跌至 14點，為免變亞視單位數收視， TVB終於宣布腰斬節目，播完週日第 4集已冇得再爆。
小欣姐失威，相反黎芷珊的《最佳男主角》走勢凌厲，平均有 24點收視，贏足幾條街。 TVB亦計劃添食搞《最佳女主角》，芷珊更已聯絡劉嘉玲、楊千嬅等人助陣，但據知高層余詠珊眼見反應好，竟打算安排由有線過檔的愛將陸浩明插手做主持，飛芷珊出局！難怪芷珊姐姐週一心都淡，「你問番余小姐啦！」
黎芷珊入行 28年，圈中朋友多到數唔晒，巨星都要畀面上《最佳男主角》做嘉賓，而且集集交足貨，例如謝霆鋒接受訪問時，便自爆曾患皮膚癌，該集出街後即成為 C1頭條。
陸浩明曾訪問過劉嘉玲，有機會與黎芷珊拗手瓜，鬥快約到嘉玲做嘉賓。
查小欣 out
查小欣的《爆足一週》，最後 1集迴光反照，平均收視比上週回升 3點至 17點，可惜最終都要腰斬收場，真係千年道行一朝喪！
畀靚位愛將
《最佳男主角》由陳志雲構思，原本打算搵李浩林（左）負責約女嘉賓，可惜李 hea住做，最終被 out！
觀眾勁 like，芷珊姐姐早前曾透露希望添食，食住條水搞《最佳女主角》，又放風希望邀請劉嘉玲、鍾楚紅及楊千嬅等做嘉賓，維持強勁卡士。
芷珊姐姐心紅想長做長有，不過據知無綫非戲劇製作總監余詠珊唔係咁諗，打算空降剛由有線過檔的主播陸浩明（花名 6號）插手，硬搶地盤。「 6號 啱 啱喺有線過 嚟，未有節目揸手， Sandy(余詠珊)見《最佳男主角》受歡迎， 6號手頭上班星有卡士得 嚟又夠後生，可以吸引多 啲後生仔睇，咪打算飛起芷珊囉！其實一睇就知佢想畀個靚位自己人上啦！」知道人士透露。
「嘉賓聯絡緊！」
陸浩明在有線主持《主播會客室》多年，經驗豐富，而且儲落一班明星好友，據知鄭秀文、吳君如等巨星私下常相約飯局。
面對有高層撐腰兼有自己明星班底的陸浩明，芷珊惟有加多兩錢肉緊，希望早一步落實嘉賓陣容，同對手拗手瓜。週一（ 29日）芷珊接受本刊電話訪問時，特別強調已經「做緊嘢」，擺明唔想有人叉隻腳入去。「我未聽過會搵 6號做《最佳女主角》喎，我自己就已經做緊嘢，之前傳過 嘅嘉賓都聯絡緊！(驚唔驚俾人搶飯碗？)我唔知，你問番余小姐啦！」至於挑戰者 6號，就話會隨時候命頂上，「我暫時未收到消息，但我做娛樂主持都有 5、 6年，要我做絕對冇問題！」
鬥晒冷
黎芷珊手頭上粒粒巨星，有機會約到鍾楚紅等有分量女星受訪，但其實陸浩明都唔弱， Sammi、 Kelly、林嘉欣、梁詠琪等全部相熟，絕對有力一戰！
霆鋒喺節目自爆曾患皮膚癌，該集收視有 26點，非常理想。
梁詠琪
林嘉欣
林嘉欣
余詠珊（小圖）雖然係殼王愛將，但空降 TVB後極受爭議，更被指偏心 黄翠如、洪永城等前有線舊下屬。
鍾楚紅
楊千嬅
添食有變數
星爺同芷珊識於微時，但現時星爺咁忙，想度期都唔易！
《最佳男主角》收得， TVB及黎芷珊正聯絡更多嘉賓，希望節目長做長有。不過之前傳過的吳彥祖、甄子丹及星爺，原來仍未落實，芷珊話希望盡快搞掂。「班巨星太難度期，你哋講呢 3個我都籌備中，但我個人好穩陣，要真係坐低傾晒偈先會公布，唔會亂吹！」 
吳彥祖
甄子丹
蘇民峰：我唔驚俾人腰斬
《爆足一週》 4集玩完，據知即將由蘇民峰主持的風水節目《順風順水》接力，對於該時段收視唔掂，蘇師傅好有信心唔會步查小欣後塵，「個節目好似係 11月 18號出街，不過 𠵱家都未開始拍。我對查小欣個節目冇意見，我自己就淨係會諗觀眾鍾意乜，我又唔會請嘉賓上去，淨係會講 18區 嘅地運，呢 啲一定收 㗎！同埋我哋落足料，之前《食得風騷》都有 24、 26點收視，所以我唔驚俾人腰斬！」
查小欣話檢討完節目後，會喺下年再嚟過，但班網友就插爆，講到明 2013都唔想再睇。
留言列表
{{ article.title }}
