娛樂八掛大放送★

孫耀威Macy左閃右避 拍拖夜蒲扮唔識

孫耀威與女友陳美詩（Macy）絕少一同出席公開活動，兩人前晚齊出席開幕派對時十分避忌，只肯隔着友人合照，老孫受訪時更擔心被公司責罵！

孫耀威雖已公開認定Macy的女友身份，但兩人拍拖以來絕少一同出席公開場合，前晚老孫與Macy齊齊出席酒吧開幕派對，但兩人全程離行離列，十分避忌，亦不願合照！在記者幾番要求下，兩人才勉強與友人大合照，Macy表示因公司不知她會出席，故不接受訪問。

一見記者即大為愕然的老孫表示不知有記者，更擔心被公司鬧，問到與女友同場出席活動是否要先向公司申請？他說：「其實我哋好少一齊出動，都係因為朋友開張先嚟支持。」他又表示現已很少出去玩，即使夜蒲都是出席朋友生日或應酬。問到女友會否做「跟得夫人」？他說：「唔會，可能係我跟住佢，但依家通常都係食餐飯聚吓。」

藍奕邦回本

而身為酒吧股東之一的藍奕邦穿西裝現身，並落力獻唱。他自認只是小股東：「呢度5年前開時我都戰戰兢兢，依家有新投資者同埋重新裝修過，希望裝修後風水好啲！」他又透露投資已回本：「需要繼續做，因為香港好少呢類可以做Live Show嘅場地！暫時唔會開分店，如果生意再好啲會考慮，加租加得好離譜，好彩個老闆都覺得需要音樂，經商討後都易話為咗。」此外，阿邦日前特別留鬚拍新歌MV，又化爛面妝表達被打，他表示十年前已學拳，後來因腳傷停學，至大半年前為減壓才再學拳。

音樂組

被孫耀威冷待的Macy，只能尷尬苦笑。

孫耀威（左二）與女友Macy（右）找來電燈膽合照，相當避忌！

孫耀威（左二）與女友Macy（右）各自與朋友傾偈，全無交流！

熱愛音樂的藍奕邦，慶幸能找到個音樂窩讓他大展所長。