今年認打過針
馬德鐘認與 Zeta老闆娘熟，並接受療程，但一提幹細胞針，即指唔清楚，十分避忌。《蘋果日報》圖片
滾熱辣
幹細胞「童顏針」入侵娛圈 蒙嘉慧做代言搵命搏
DR美容集團毒針（幹細胞針）搞出人命，但事件發展至今，仍未有人要為事件負責或被捕，揭發本港美容業監管漏洞百出。近年醫學美容興起，標榜保青春的「幹細胞針」坊間流行，除了平民百姓，唔少靠面孔搵食的明星趨之若鶩，成為高危一族。
本刊收到線報，指香港一間美容集團 Zeta，也有「幹細胞」的美容針打，而且該美容院的老闆娘與圈中藝人熟稔，不斷免費送美容療程給藝人，客仔包括馬德鐘、羅霖、向海嵐及關禮傑等，而蒙嘉慧及李若彤更為美容店拍宣傳片，在上海分店播出招客。一班藝人隨時因為貪小便宜，搞到一身蟻！
據知，美容集團 Zeta在上海有六間分店，其中一間分店位於當地著名的新天地廣場，而香港分店則位於銅鑼灣信和廣場。有 Zeta前員工向本刊爆料，指 Zeta老闆娘司徒婉雯（ Cally）與香港明星甚為相熟，經常贊助藝人美容療程，當然她亦有向藝人推薦店內的「童顏針」，指打針後皮膚有光澤兼去紋。去年她更找蒙嘉慧及李若彤擔任內地代言人，廣告片段放在土豆網宣傳，更在上海分店播放招客。
08年
老闆娘 Cally
馬德鐘與老闆娘 Cally相熟，他每次往上海工作時，都會相約飯局，影合照都頭貼頭，可見交情匪淺！
蒙嘉慧宣傳片招客
「班明星出席公司（ Zeta）活動， Cally就送療程俾佢 哋。老闆娘好識用明星做生招牌，上海分店不停播蒙嘉慧同李若彤 嘅宣傳片。員工會對客講，話有好多藝人幫襯，客仔打童顏針，仲會將份詳細資料俾客睇，即係坊間 嘅幹細胞針。呢種針好好賺，成本約 5千，但就賺三、四倍，佢 哋會睇客 嚟開價。我都見過馬德鐘上過 嚟幾次。」前員工爆料。
本刊從 Cally的微博中，發現大量她與明星的合照，包括馬德鐘、羅霖、向海嵐及關禮傑等，而與她私交甚篤的羅霖，亦曾在香港店內接受日本雜誌訪問，大談美容心得。
修葺稜角面
去年拍攝的廣告片中，蒙嘉慧面容飽滿，與 10年的稜角面形明顯不同。
10年
《 Me》圖片
忽然緊膚
同是代言人的李若彤， 08年出席上海舞林大會的活動時，面部肌肉見鬆弛。去年拍廣告時，她卻變得飽滿，相距甚大。
08年
《蘋果日報》圖片
馬德鐘：佢 哋有醫生處理
本周日（ 21日），本刊向馬德鐘求證，最初談到美容針時，他有認打針。但提到 Zeta的幹細胞針時，他十分避忌，一邊拒認打針，一邊又口窒窒強調有醫生在場，愈答愈亂。
記：對近期美容針事件，有乜睇法？
馬：好危險囉，真係發生 咗意外，所以大家要小心選擇。
記：有冇接觸過醫學美容打過針？
馬：打過…… Laser，咁算唔算？我唔係好分得清楚。（ Laser祛斑？）我唔係好分得清……總之彩光囉。
記：你冇問清楚自己打乜針咩？
馬：有人 sponsor我……係我朋友…… 喺香港打。
記：有冇聽過一間叫 Zeta嘅美容院？
馬：有，識得。
記：今次出 咗事 嘅幹細胞針， Zeta亦有得打，你知唔知？
馬：我唔係好清楚。
記：你有冇打過呢 啲針？
馬：……冇。
記：咁你 喺 Zeta做過乜 嘢 treatment？
馬：做 facial囉。
記：呢個集團有呢 啲針打，你驚唔驚，會唔會去了解吓？
馬：佢 哋有醫生處理，都穩陣 嘅！
馬德鐘聲稱冇打過幹細胞針，但一般彩光祛斑療程，只是用美容機做，不用打針。而一般 facial療程，亦只需美容師主理，不會由醫生負責，馬德鐘回應可謂疑點重重。
本刊亦曾致電關禮傑，他承認和 Cally是朋友，亦接受過 Zeta服務，但當本刊問他有否打過幹細胞針時，他就以「身在大陸不方便再講」為理由掛線。
至於作為上海代言人的蒙嘉慧，記者在寓所守候，惟她一見採訪車，即掉頭返回家，連續兩天都沒有出來。而羅霖的電話則沒有接聽，於截稿前仍未回覆。
ZETA CLINIC的口號是「 Beauty by Science」，將美容與科技混合。
本刊記者「放蛇」時，美容總監 Franda一聽到幹細胞針，即轉移話題，指香港分店冇得打，明顯十分避忌。
上海分店 sell客時，有一份資料向客人清楚介紹「童顏針」的原理，與坊間的幹細胞針大同小異，更強調可以去皺紋，嫩化肌膚。
受感染會硬面
蔡堅
本刊將 Zeta童顏針資料向前醫學會會長蔡堅查詢，他指「幹細胞」定義非常廣泛，市面上有關「幹細胞」的技術種類繁多，而這項技術，本來是用作治療癌症，現時香港仍未有監管。
至於風險方面，他指如注射時不乾淨，輕則會引起發炎，出現面皮硬、大細面等情況，重則會危害生命。蔡醫生強調，病人打針前必須知道風險，更要由受過訓練的醫生處理。
老闆娘認藝人打針
上周二（ 16日），本刊記者前往 Zeta香港分店，查問有關療程。可能因為風頭火勢，該店的醫學美容總監 Franda向記者表示，指店內沒有幹細胞針療程。
不過，記者以明星朋友的身份致電老闆娘 Cally時，她則完全另一個版本。
記：本刊記者 C： Cally
記：聽聞你 哋有幹細胞 嘅針打？
C：係呀，我 哋叫「童顏針」。
記：點收費？點打法？
C：每支萬八，見你係熟人介紹，依家每支收萬五。打完第一支，隨後個半月再打，打足三支， 25個月內有效。
記：有冇副作用？近日香港發生 咗事，我有 啲擔心。
C：放心，保證有註冊醫生在場。
記：我喺上海、香港兩邊忙，打針時間是否可以配合？
C：上海都可以打，不過都提議 喺香港打， 喺香港收港幣， 啲醫生又嚴謹好多，內地好多客都嚟香港打。
記：聽講有好多藝人打針？
C：係呀！個個來打針的，都係大腕（即大明星）。
記：是不是馬德鐘、蒙嘉慧與李若彤？馬德鐘打 咗後，皮光肉滑，女人打有冇相同效果？
C：（停了一會）別人的私隱我不說了。
記：代言人蒙嘉慧、李若彤都有打？
C：好多名人都有打，你來打之前一日通知我，讓我替你先找醫生吧。
據知今次 DR毒針出事，主要原因是化驗所的針藥受污染，而行內人士亦指︰「其實香港美容院用的化驗所，來來去去都係 嗰幾間，加上冇監管，所以打呢 啲針其實有一定風險。」
而曾經為 DR做代言人胡渭康，亦因為今次事件搞到一身蟻！曾經因貪靚打過類似美容針的藝人，睇到近期嘅新聞應該 揑一把汗！
今年硬膠少女
近年羅霖打扮愈來愈少女，而面部亦明顯硬膠化。
09年
《蘋果日報》圖片
羅霖在自己的微博上放了與 Zeta老闆娘合照，更攞埋美容院的 product幫手 sell。
去年收緊面皮
關禮傑夫婦亦是 Cally好友。關禮傑近年皺紋愈來愈少， Cally（上圖中）似乎應記一功。
08年
《蘋果日報》圖片
變出禍
貪靚是人之常情，靠面孔搵食的藝人，當然要千方百計執靚樣。不過，近年不少藝人變臉頻頻失手，隨時愈變愈醜。
楊秀惠
大細面
黃婉曼
刀削面
薛芷倫
孖膶腸
09年，胡渭康（左）是 DR代言人時，曾經到韓國割眼袋，在機場被本刊發現他眼袋及鼻樑有疤痕。在他推介下，好友林利（右）亦有打過美容針，面容硬皮膚緊緻。
留言列表
{{ article.title }}
