素顏掃貨
19日下午 1時，海味揸車到銅鑼灣 shopping， 45歲的她雖然素顏加 casual wear，但樣貌身材都 keep得唔錯。
娛聞樂
無綫放水搵外援 海味 6萬強勢返無綫
無 綫鬧花旦小生荒日漸嚴重，除了部分離巢外，本身的一線演員亦要求北上搵人仔，花旦寥寥可數。加上有收視保證的鄧萃雯因擺阿姐款被飛，無 綫惟有急召昔日老將返娘家助陣。
早前無 綫搵歐陽震華成功邀得半退休的關詠荷出山，今年更盯實中國劇后周海媚，貪海味（周的暱稱）有收視兼賣埠。
據知海味在國內拍劇價每集 18萬以上，今次因樂易玲同梁家樹多次游說，故事、角色又 啱心水，對手更是六度合作的張兆輝，故答應以超筍價 6萬一集回巢拍《神槍狙擊 2013》。雖然降價七成，但海味身價亦冠絕無 綫一線親生女，比阿佘離巢價 3.5萬一集，差不多高成倍。
當日所見，海味由細舖掃到落 Max Mara，睇啱就買，足足掃了五、六袋才走人，絕不手軟。
離去時，助手幫她揹住戰利品上車。
之後四人直落鯉魚門食海鮮，海味更親揀龍蝦，食了二千多元，由海味埋單。
09年，周海媚與劉松仁拍《蔡鍔與小鳳仙》後，隔了三年多，才返無綫拍劇。
多年來，海味周海媚都是無 綫福將，由她擔正的劇集，曾 6度成為無 綫劇集收視冠軍，尤以 89年的《義不容情》及 97年的《大鬧廣昌隆》最為人熟悉。海味乃梁家樹愛將，近兩年無 綫鬧演員荒，梁家樹積極聯絡舊演員，與他們度期合作。
去年尾，梁家樹已經吼實海味與張兆輝呢對組合，不過，當時張兆輝心大心細過唔過 CTI，而海味亦想無 綫落實男主角才考慮。
直至年中，梁家樹與樂小姐雙劍合璧，與兩人幾次坐低傾，才促成合作。「 90年海味同輝哥（張兆輝）合作 嘅《笑傲在明天》係收視冠軍，加上佢 哋 啱 啱先合作完大陸劇《四大名捕》，大家好有默契。今次 TVB《神槍狙擊 2013》個劇本，海味角色有好大發揮，所以佢對今次合作都好期待。」知情者說。
本月 16日晚，海味與張兆輝（圈）為無綫拍攝節目巡禮。海味怒摑張兆輝的鏡頭，拍了一個 take導演已收貨。
拒簽親生女約
海味近日已秘密返港。為《神槍狙擊 2013》拍宣傳片，她還會出席 11月 8日的節目巡禮，幫無 綫吸納廣告客戶。本來無 綫有意招攬她再成為親生女，惟海味在大陸甚吃得開，無 綫的如意算盤打唔響。
本月 16日，海味與張兆輝為節目巡禮拍短片，早上十點已開工。只見她精神奕奕說︰「 TVB每年都有搵我拍劇，今次古仔好，又同老拍檔張兆輝、謝天華合作，大家好熟。」問到無 綫向她提出過簽經理人合約，她說︰「係傾過，但我鍾意多 啲空間，簽 TVB會返香港拍劇為主，大陸相對少。呢兩年冇經理人，係最近先簽咗『星美國際』做經理人。」
無綫樂易玲被問到是否 6萬一集請海味回巢，沒有正面回應︰「 Tommy（梁家樹）同舊演員關係好好， keep住聯絡，至於價錢唔方便透露。海味個價，對 TVB嚟講係好貴，但比起佢國內（酬金）就有好大 嘅優惠。（海味有冇要求作息定時？）合約冇寫到明，但知佢曾經身體唔舒服，大家會遷就。」
雖然海味減價回巢，但比起無 綫現在一線的胡杏兒及楊怡，每集 3萬元的片酬，已經高出一倍，就連之前的鎮台老將鄧萃雯 4.5萬一集，海味仍高出一截，今次無 綫算大手筆。
年搵千七萬人仔
北上搵食多年的周海媚，曾患紅斑狼瘡症，雖然身體已康復得七七八八，不過她因身體狀況，減輕工作量。話雖如此，去年海味拍了六個廣告已勁賺 680萬人仔，吸金力一 啲都唔弱！
噴血彩妝廣告
45歲的海味身材 keep得好，去年着住噴血內衣拍廣告，媚態逼人。
《軍令如山》
除了拍劇，海味去年還接拍張栢芝做女主角的電影《軍令如山》，片酬約 50萬。
《四大名捕》
在今年的電影《四大名捕》中，海味再度與張兆輝合作，默契依然。
外援價高
近年無 綫開大門，俾親生仔女北上搵人仔，為免流失演員，惟有高價搵外援，由 4至 8萬一集不等，比親生仔女價更高。
陳玉蓮 3.5萬/集
陳玉蓮剛剛出街的《名媛望族》，飾演劉松仁二奶，佢曾透露返無 綫拍劇全因俾面松哥。
關詠荷 4萬/集
今年年尾，關詠荷將會再與歐陽震華合作《情逆三世緣》，最佳拍檔再度合作。
張兆輝 5萬/集
去年張兆輝以 3萬蚊一集，夥拍商天娥主演處境劇《結•分@謊情式》，收視乃處境劇之冠。今年梁家樹再加碼， 5萬一集再斟張兆輝拍《神槍狙擊 2013》。
吳鎮宇 8萬/集
《衝上雲霄》講了多年開拍續集，今年無 綫終於邀得吳鎮宇回巢，近日此劇正趕工。
留言列表
{{ article.title }}
