插圖： Wendy

揞名爆

「眼大大」狂折

2012年07月20日 ~~ 第886期 忽然１周

唔少人同媽咪姐講過，話睇親《忽周》見啲女明星唔係去名店掃貨，就係去睇樓。嘩！買豪宅都好似買棵葱咁易，真係羨慕死人嘞！

嗱，就咁嘅，一班圈中女星的確財來自有方，但係咪真係買得咁疏爽呢？又未必囉！好似得閒無事就 high tea兼睇樓嘅「眼大大」咁，佢最近係就係成日去睇某個特色豪宅，不過睇呀睇，始終都係得個睇字。咦，但佢明明早年搵落唔少，依家又有一條境外「大水喉」射住喎，無理由買唔起啫？無他嘅，據地產界二五爆料，呢位圈中靚女原來有鋪折癮，每次買親豪宅都猛咁講價，總之拉長戰線，就算無八折，講到九五折都好！同我哋呢啲師奶仔無分別。不過，今次呢個發展商覺得自己啲單位市場罕有，一個仙都唔肯減！所以「眼大大」咪好唔忿氣，睇咗幾次都買唔成囉。
吖，講開又爆多單料俾大家聽，話說樂壇阿姐「母后」都鍾意買樓投資㗎，雖然佢眼光一般，蝕多賺少，但講到嘢，就一啲都唔輸蝕！據啲地產經紀講，話佢最鍾意向發展商電器、傢俬之類，總之見到示範單位有啲乜，佢都話要。講真，依家啲豪宅好多嘢都包晒，「母后」再，亦只係多少少啫！所以話，女人無論幾有錢，講價都係終生興趣。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    tvb4life 發表在 痞客邦 留言(0) 人氣()

    E-mail轉寄