客廳窗台盡覽維港，但袁彌明仲嫌細，「呢個窗台面積算接受得到，某啲樓盤嘅窗台直情佔咗全屋面積嘅半成。」
星悅居
居高臨下 袁彌明
呷着一口濃茶，細嚐法式甜點，飽覽維港景色，今年 32歲的袁彌明，難得忙裏偷閒，享受海景。「香港人工作時間咁長，返到屋企仲要做嘢，生活點會真係咁寫意吖！」她慨嘆地說。
由港姐變身商人，再由商界踩入以男性主導的政治領域，袁彌明回到家，最想放下滿身稜角。「望番出窗，見到香港回歸 15年嚟，變得愈嚟愈差，自自然然又會諗番政治呢個議題。」
人望高處，惟高處不勝寒，壓力負擔接踵而來。
袁彌明家居
客廳偌大的窗台，可以近距離俯瞰尖沙嘴對出的維港，真正飽覽九龍半島美景。袁彌明笑着說：「呢度個 view真係無敵，連半島酒店頂樓直升機起飛降落都睇到，住喺呢度條氣都順啲。唔似李嘉誠啲樓盤咁，明明喺新界區都可以自稱座落市區咁離譜。」
零污染廚房
廚房設於客廳同飯廳之間，面積約八十呎，「設備都齊全，但我平時就好少用焗爐煮嘢，多數整沙律，所以好乾淨。」
5萬租一手樓
去年初，袁彌明以五萬元月租，進駐尖沙嘴豪宅「名鑄」 52樓的一個千二呎單位。扑槌租住當日，依然記憶猶新。她說：「呢度平均呎價挨近三萬蚊，呢個單位要成三千三百萬，買幾乎係天方夜譚。依家用五萬蚊可以租到呢個單位，仲要係一手樓，業主每年嘅回報率其實好低㗎咋，難得有個筍盤，我睇完樓即刻落訂。」
雖然進駐豪宅，但袁認為裝修毋須過分奢華，「屋企最緊要舒服自在，唔通我喺屋企睇電視都穿金戴銀咩！我所有傢俬基本上喺宜家傢俬搞掂晒，貪佢價錢夠均真。而且我無花過一毫子去裝修間屋，因為呢度本身用料唔錯，一手用家就係有咁嘅優勢。」
飯廳當書房
袁彌明索性將飯廳變成書房，「既然平時少煮嘢，都無謂整張飯枱阻碇。」而掛在牆上的時鐘和書枱旁的座地燈，全部購自內地，「內地家品店成本低，所以賣嘅嘢都係平啲。」
廁所豪華
千二呎單位中有兩個廁所，部分牆身以閃爆雲石設計。
窗簾做玄關
客廳接近二百呎，袁彌明最滿意自己購入的梳化，「張梳化可以坐四個人，但感覺唔會好阻碇。最主要係平，五千蚊有找。」
近正門位置，袁彌明除擺了鞋櫃，亦放了一面全身鏡。「出門口前都可以 re-confirm自己個 look得唔得。」她更加上兩襲窗簾來當作玄關。
獨居的智慧
小學讀過寄宿學校，大學到過美國留學，一個人生活對袁彌明來說，從來不是障礙。「生活上有時真係會遇到問題，因為呢間屋長期開窗，試過飛蟲走入嚟，嚇到我死。但諗諗下唔化算，冇理由俾佢嚇成晚咁蠢，咪拎住個鑊拍死佢囉！呢啲恐懼始終要克服。」
今年農曆新年，窗外看到璀璨的煙花，但袁彌明就一個人在屋企欣賞。「話唔寂寞係呃你嘅，但都要面對㗎啦！」由於業主收樓放盤，袁彌明即將會搬去跑馬地新居。「梁振英上場後，樓市隨時會跌，所以我明白業主想趁高價甩咗層樓。新屋係自己買，希望真係會有頭家啦！」
袁彌明的睡房十分簡單，她解釋：「我唔想瞓覺嗰陣有壓迫感，所以唔會有多餘的擺設。」雙人牀旁邊放了一張地氈，袁坦言有時會在地氈上做瑜伽。
書架上放滿關於政治和創業的書籍，「開頭做生意唔識得包裝營銷策略，所以買咗好多書。基本上我屋企所有書都睇晒，留番嗰啲全部都係參考書。」
袁彌明認為走廊的凹位設計是敗筆，所以她在宜家傢俬買了一個六層書架來補不足。「香港嘅新樓唔多唔少都有呢類問題，唔想浪費呢個位。」
Birkin放櫃頂
袁彌明將第二間睡房變成衣帽間，而三個價值共 25萬的 Hermè s手袋，由於包裝盒相當大，所以她將手袋和盒一併放上櫃頂。
全櫃 Chanel
第二間睡房的另一邊，袁彌明就置了一個大鏡面衣櫃，其中一格更放滿 Chanel的首飾和銀包。
「名鑄」以酒店式住宅包裝，所以電梯大堂和走廊也設計奢華，欠缺「家」的感覺。
留言列表
{{ article.title }}
