近年長駐內地嘅張衞健話，娟妹係佢最好嘅圈中異性好友，所以點都要嚟追思會。臨走，仲同劉志敏大力擁抱，一切在心中。
媽咪姐
羅慧娟傳教無界限
羅慧娟嘅追思會上個禮拜四（ 12日）响銅鑼灣同福堂舉行，近百圈中好友同教友出席，大家都話從未見過一個人可以咁樂觀咁面對自己嘅死亡，所以嗰日羅慧娟老公劉志敏都盡量以笑送別太太：「响追思會上派嘅書籤、 DVD同紀念冊，阿娟都親自去完成，佢只係想話俾人知，如果信主耶穌基督，死亡只係去個更好嘅地方，冇乜好怕！」娟妹以自己嘅實際行動感動每一個人，就連响同福堂街口賣燒賣同雞蛋仔嘅小食店老闆，都俾娟妹感動。
事緣媽咪姐响追思會嗰日去買雞蛋仔，老闆娘見我着到一身黑，就問：「你係咪去娟妹追思會？佢生前經過我哋呢度去教會時，成日都幫襯我買燒賣㗎，又會笑笑口咁叫我哋兩公婆信主，仲話可以親自幫我哋兩個入教會。佢份人又靚又好人，真係覺得佢好似個天使咁㗎！」無論生前死後，做咗少奶奶嘅娟妹都咁親民，熱心傳教，雖然媽咪姐無宗教信仰，但都祝福佢一路好走！
鄭秀文嗰日都有去追思會，仲用保母車載埋息影女星姚煒（趙世曾前妻，左一）同昔日美女主播葉雅媛走，估唔到佢哋原來咁 friend！
娟妹生前經常幫襯呢間小食店，老闆娘雖然唔願出鏡，但猛讚娟妹好好人。
全站熱搜
留言列表
{{ article.title }}
