今年3月才結婚的藝員洪天明及周家蔚，村屋愛巢前日慘遭賊匪撬窗入屋爆格，偷走約值十萬元財物，當中包括天明送給家蔚的價值萬多元的定情手袋，令兩口子無比心痛，難怪要漏夜諗防盜方法，保衞家園！

新婚不久的洪天明及周家蔚，其位於將軍澳馬游塘村的愛巢前日遭爆格！天明前晚約9時許返家時發現寓所被人大肆搜掠，家中非常凌亂，窗戶亦有被人撬過的痕迹，損失金器、首飾及名貴手袋等約值十萬元物品，相當慘情！

痛失結婚禮物

天明昨日表示，家中未有極貴重物品被偷走，但有紀念價值的物品卻未能幸免，令他十分傷心︰「尋日下晝3點至9點屋企冇人，當我9點幾返屋企時就發現畀人爆格！其實損失嘅財物唔多，因為貴重嘢都唔會擺喺屋企，結婚時嘅龍鳳鈪同金器放咗喺保險箱，唔見咗係之前玩遊戲贏嘅手錶，過時過節TVB送嘅生肖公仔等等囉！」

婚戒愛犬幸免

雖然錢財是身外物，但其中兩樣具紀念價值的物品難逃賊人魔掌，令天明最為心痛，他無奈地說︰「第一份送畀家蔚嘅Chanel手袋唔見咗，個袋喺拉斯維加斯買，成萬幾蚊，佢都唔捨得用，所以先放喺屋企！真係好心痛，好有紀念價值o架！」而弟弟送的結婚禮物亦成為賊人的獵物，令天明大嘆無奈又痛心，他說︰「我結婚嗰時，細佬送畀我嘅金器擺設，因為太大放唔到入保險箱，所以放喺屋企，價值5位數……不過都慶幸當時冇人喺屋企，如果人有損傷就唔好！」

另一邊廂，家蔚昨日接受訪問時則表示，天明送給她的定情Chanel手袋及自己買的同牌子手袋同樣不翼而飛，令她非常心痛，幸好婚戒安然無恙，她慨嘆︰「好好彩結婚同訂婚戒指我都一直戴喺手，冇唔見到！而且我哋養嘅5隻迷你貴婦狗都放咗喺媽咪嗰度，如果佢哋喺屋企，驚賊人唔知點對佢哋囉！」

成晚冇覺好瞓

對於遭賊人光顧，家蔚驚到「冇覺好瞓」，留下陰影，她說：「屋企畀人撬窗入屋，除咗窗同窗花畀人撬過，衣帽間都摷過晒！兩公婆尋晚都瞓得唔好，覺得好不安，天明成晚諗點搞防盜，我就嚇一嚇囉！」

警察公共關係科昨日證實於前晚9時許接獲馬游塘村洪姓男子報案，現列作爆竊案處理，暫時未有人被捕。

失竊清單

物件價值

Chanel銀灰色袋萬多元

Chanel黑色漆皮袋萬多元

首飾 2萬多元

巨型金器擺設約3萬元

手錶多隻萬多元

足金生肖擺設多個數千元

第一手消息請下載on.cc東方互動iPhone/iPad/Android Apps

專案組

天明送的名袋被偷去，難怪家蔚喊到一殼眼淚！（資料圖片）

估計賊人是從二樓爬入屋，窗戶有被撬過痕迹。

肇事現場被警方圍住。

天明前晚返回寓所時，驚覺窗戶被人撬開，房內一片凌亂！

二人點算損失，家蔚發現定情袋不翼而飛，喊得一句句！

發生爆竊案後，天明計劃搵師傅裝防盜，以免賊人再有機可乘！

保安不足冇掩雞籠

天明與家蔚的新婚愛巢位於將軍澳馬游塘村，雖然該屋苑人流不多，不少單位仍未入伙，不過因欠缺圍欄及鐵閘，屋苑猶如處於「不設防」狀態！加上天明的獨立屋貼近行人路，閒人可以輕易自出自入！

至於保安方面，全條村只得一個更亭及一位管理員，保安度明顯嚴重不足，難怪不少住戶均有飼養大狗看門口。而天明的寓所暫時未有養大狗，未知是否因為少了「看門口」，故被賊人睇中！

另一方面，有防盜用品公司的職員得悉該村發生爆竊事件後，昨日到場向管理員及住客推銷用品，認真識做生意！

天明的寓所貼近行人路，令賊人有機可乘！（張秋霞攝）

昨日有防盜用品職員向管理員推銷用品。

星居屢成獵物

藝人寓所被不法之徒爆竊時有發生，雖然財物損失，幸生命未受威脅！

劉家昌

4月初，音樂人劉家昌位於將軍澳的豪宅遭爆竊，財物損失估計約值千萬港元，當中包括齊白石名畫等。

吳鎮宇

去年底，影星吳鎮宇位於西貢的獨立屋豪宅遭爆竊，賊人打破客廳窗戶入內搜掠，幸好只損失少量財物。

吳雨霏

歌手吳雨霏去年聖誕節與家人外遊，豈料竟成為賊人落手的好時機，其留港的弟弟返家時發現寓所被爆竊，指賊人偷去所有電腦，幸好損失不算嚴重！

劉家昌 (右)

吳雨霏

Toby：個人冇事係大幸

身為周家蔚好友的梁靖琪（Toby）表示，已即時致電加以慰問，更表示天明夫婦本來正計劃安裝保安系統：「估唔到呢個時候畀賊人爆竊，今次只係財物損失，個人冇事，都算係不幸之中嘅大幸！（建議佢哋搬去保安高度嚴密嘅寓所？）佢哋喺加拿大時都住慣呢類屋，我認為只要保安做好啲就冇問題！」

另外，不少圈中好友向在微博自言「不開心」的家蔚加以慰問，當中呂慧儀留言道：「Bless u.人無事就好，不要唔開心，天明會氹番你！」而吳家樂安慰她破財擋災，麥長青則留言道：「平安是福，錢財身外物，叫天明補回！」

Toby已致電安慰，並勸他們做好防盜。（資料圖片）

曹永廉（後）及吳家樂分別留言氹好友。（資料圖片）

請人全天候看屋

天明與家蔚的愛巢遭賊人光顧，令兩口子明白加強保安措施刻不容緩，天明表示準備安裝防盜系統：「搬入嚟幾個月一直想裝防盜，附近幾戶都裝咗，點知未裝就畀人爆格！我會盡快搞掂佢，系統要通去保安中心！」

家蔚則透露曾想與其他屋主夾錢請保安，可惜因村內單位未全部入伙而擱置，問到有何辦法加強防備？家蔚說：「我最近請咗個工人，咁啱出事嗰日係佢第一日返工，我帶咗佢出去買嘢……我會繼續用佢，負責全天候看屋！」

講起寓所被爆格損失不菲，天明唉聲嘆氣。

天明愛巢失竊損失十萬

洪天明和周家蔚新婚不久，兩人在將軍澳馬游塘村的愛巢前晚被人爆竊，包括結婚時收到的金器禮物，據警方消息，財物損失達十萬元。家蔚昨日在微博表示不開心，她昨日在電話解釋：「唔開心唔係因為有金錢損失，係好似屋企唔係咁安全，天明都好緊張問裝防盜系統嘅嘢，仲話買定防狼器畀我，又教我有乜嘢事最緊要衝出街，唔好留喺屋企。」老爺洪金寶有否教她兩招防狼術，家蔚表示以前在學校已學過一兩招傍身。除了裝防盜系統外，家蔚覺得寓所地址早就曝光，自己又常在微博透露已出埠，日後會減少公開行蹤，免賊人有機可乘。採訪：汪芷寧

洪天明和周家蔚愛巢遭爆竊，可幸是兩人沒受驚或受傷。　資料圖片

洪天明心痛定情袋被盜

最近拉埋天窗的洪天明和周家蔚的村屋愛巢前日遭賊人撬窗入屋爆格，損失約十萬財物。最令他們心痛的是天明送給家蔚首份禮物、價值萬多元的Chanel手袋被偷。

洪天明前日凌晨在屋外接受訪問，表示現正煩惱怎樣加強屋內的防盜保安。

新婚的藝員夫婦洪天明和周家蔚位於將軍澳馬游塘村三層高村屋愛巢，前日遭賊人入屋爆竊，損失金器、首飾、名貴手袋等物品約值十萬元。洪天明昨日接受電話訪問表示：「前日下午三點到九點屋企咁啱冇人，九點幾返到屋企發現畀人爆格，好彩老婆將啲貴重物品，好似之前結婚啲金器、龍鳳鈪放咗喺保險箱。唔見咗係玩Game Show贏番嚟嘅禮品，好似手錶、同埋生肖金飾擺設。」

欲加強保安

愛巢遭爆竊最令洪天明心痛是損失了兩份具紀念價值禮物，他表示：「第一樣係我喺拉斯維加斯買畀家蔚嘅第一份禮物，係一個Chanel手袋，價值萬幾蚊，佢都唔捨得用，好有紀念價值好心痛。仲有係細佬送畀我哋結婚嘅大型金器擺設，價值五位數。不過今次都慶幸當時冇人喺屋企，人有損傷就唔好。」

洪天明及周家蔚新婚不久就遇上賊人入屋爆竊，認真不幸。（資料圖片）

二人愛巢的窗子被撬鬆。

屋內的露台可見有警察的膠帶。

周家蔚受訪時則慶幸婚戒和求婚戒指皆戴在手上，未有損失。而原本飼養在家的五頭迷李貴婦犬也剛巧遷到母親家中，否則愛犬遇上賊人，後果也不敢想像。周家蔚指受驚後夫婦昨晚也睡不安寧，正安排加強屋企保安，她表示：「今次嘅賊人好專業，只係啲窗畀人撬過，佢哋連衣帽間都摷過晒，我都唔見咗另一個Chanel手袋。因為屋苑新入伙，所以都未請得切保安，依家天明都諗緊點樣加強防盜保安。」