我同過好多人！
上週六（28日）明哥應邀出席港台同志節目，被問到跟老外舊愛分手一事，即落閘話：「我唔會回應，我同過好多人（拍拖），你講邊個？」

直路難彎

上週一（23日）神級組合「達明一派」演唱會尾場，快將50歲依然潮爆的「明哥」黃耀明毅然發表斷背宣言：「我係一個同性戀者，我係一個基佬，我鍾意男人。」，其感情生活隨即成焦點。
明哥宣布出櫃同時，與外籍男密友的十多年情亦宣告玩完，又自爆已有新歡的明哥，則極力掩護伴侶：「我嘅另一半唔係公眾人物，我唔想害咗佢」，繼續玩神秘。
但據知去年中，明哥已跟外籍密友因感情丟淡而各自搵食，而明哥更對當時29歲的入室徒弟、「人山人海」旗下歌手黃靖特別愛護，可惜最後直男徒弟有負師父「厚愛」，癡心枉費。好在明哥今日有新歡呵番，表錯情好小事啫！


入行愈25年的黃耀明，性取向一向受關注，多年來身邊僅得一位外籍男伴，同志身份呼之欲出。今次他高調出櫃，因覺得要「堂堂正正做人」，更謂「講出來只想社會風氣更開放」，又會支持倡議同性戀權益，儼如同志界最新代言人。

錯水泡
其實近年來甚少見明哥與老外密友一起露面，相比深居簡出的明哥，老外卻經常被目睹出沒同志酒吧，因而傳出二人因感情轉淡而分開，但知情人士卻稱自去年中明哥已有新目標，睇中在09年由他招攬、比他年幼廿歲的獨立歌手黃靖。「明哥簽黃靖入『人山人海』（黃耀明成立之音樂品牌）時，已經成日讚黃靖好有才華，又識寫歌、又有設計天分，自己睇好呢個徒弟，話要落力栽培，大家都feel到佢特別錫黃靖。舊年暑假時，明哥變番單身，我哋成日見佢哋兩個行得好埋，但同黃靖friend嘅同事都知佢唔係攣，好似仲有個女朋友添。後來明哥同佢又冇晒聲氣，應該撻唔着。」


煲錯無米粥的明哥，其實在去年底已覓得新相識的對象，更謂本來想將新碟命名《第二春》來紀念新戀情，但對另一半的身份則選擇繼續封嘴唔講。上週六（28日），接受港台同志節目《自己人》訪問的明哥，跟本刊談及同志時好大方說：「我唱咗〈禁色〉咁多年，個社會都冇進步過，其實我哋呢行好多呢啲人（同志）。」但講到新歡卻處處保護對方：「我事前冇同佢講過會講（同志宣言），事後佢只係話『唔好煩到我』啫。始終佢唔係圈中人，唔想佢受騷擾。（你哋相識幾耐？）我選擇唔答，因為同公眾利益無關。（因為怕對方有壓力？）我哋惟有一齊面對囉！」

嫩口愛徒
今年30歲嘅黃靖，09年自薦而成為「人山人海」旗下歌手，他在拔萃男書院畢業後，往英國倫敦中央聖馬汀藝術設計學院，主修舞台設計及指導。曾在詹瑞文的PIP劇場當過助理，後與姊姊一起當時裝設計師，堪稱周身刀。

自薦入行
性格主動積極嘅黃靖，原來靠黐Wing Shya而認識明哥：「有本大陸雜誌搵Wing Shya拍我和家姐設計嘅時裝，我知道佢當晚會同明哥影相，為咗自薦我跟埋去湊熱鬧……爭取在明哥面前表演。」果然識製造機會喎。

撈埋設計
06年黃靖與家姐黃琪分別於英國畢業返港後成立時裝品牌「Daydream Nation」，09年姊弟檔更獲選為香港十大傑出設計師之一，堪稱多才多藝。

基路剖白
上週六（28日）明哥於港台同志節目《自己人》中剖白心路歷程，包括首次向暗戀的男同學告白，至90年始向家人坦承其性取向，大談基路辛酸。

提阿媽
其實媽咪唔係完全唔知，但當我話佢知時，佢都好sad同shock，我同媽咪仲大喊一場，我同媽咪講，唔好覺得係佢錯，我希望佢如果係愛我，就畀我過開心嘅生活。

玩暗戀
暗戀人嘅感覺好好，但暗戀一個同性嘅感覺就好複雜，掙扎咗好耐最後同對方講，當時我同佢都係基督徒，一齊去搵輔導員，當然被人整熄把火。後來就學習要將感覺擺入心。

講哥哥
我覺得佢哋（哥哥與唐唐）真係好幸福，特別深印象係佢哋手拖手行街嘅嗰張，因為拖手呢個簡單權利，好多人在香港做唔到。 ####


自20日一連四場的《達明一派》演唱會，由第一場熒幕打出「黃耀明是同志？」已引起討論，直至尾場（23日）頭戴假陽具帽嘅明哥在唱完〈禁色〉及〈忘記他是她〉之後表白：「我唔係同志，但我係同性戀者，我係基佬。」


明哥成立「人山人海」製作公司，培育樂壇新血如「at 17」、林一峰等人，公司內眾人關係密切，明哥性取向及一舉一動備受留意，故黃靖得寵亦眾人皆知。


鍾情老外一向與老外傳緋聞嘅明哥，自22年前達明一派解散後，身邊曾出現一位大隻老外，但近十年卻與另一位四眼老外（圖中）出雙入對，更被拍到返回干德道寓所，但原來已是過去式。《忽然1周》圖片


去年黃靖成為「人山人海」年度重頭推介嘅歌手，更在明哥促成下，有份與容祖兒等參加去年8月中的「暗中作樂2011」音樂會，相當得寵受捧。《蘋果日報》圖片


扮𡃁捧場愛徒黄靖於達明一派演唱會首場已精心打扮，以校服look捧場，更上載微博分享


明哥接受電台節目訪問，分享過往遭遇，節目尾聲更鼓勵其他同志：「革命尚未成功，同性戀者、基佬、基婆仍需努力！」

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄