左起：26歲　40歲啱傾啱玩，陳淑莊和MASTAMIC合照都要頭貼頭膊貼膊，連笑容都好一致。

《盛女愛作戰》播完，但相關人等死唔斷氣，Bonnie仲有機開咪做DJ，籮底橙升呢做明星。素人有市場，反而身為立法會議員，又有大律師專業資格的40歲陳淑莊（Tanya），單計議員的人工連津貼已月入23萬，加上本身係舞台劇演員，talk得又玩得，偏偏兩年前同開京菜館的前男友分手後，一直未有着落。為免變高危賣剩蔗，陳淑莊最近積極物色對象。即將舉行talk騷，本刊發現陳淑莊近日與rapper MASTAMIC行得好埋，又與詞人梁栢堅孖住隊啤。據知更因為喪黐MASTAMIC，惹來男方的正印女友微言。

 
女人四十的陳淑莊，雖然貴為大律師，亦係立法會議員，條件比盛女Florence好得多，但自從兩年前與拍拖8年的京菜館仙宮樓老細叢鐵飛（英雄哥）分手後，一直單身，谷底陳淑莊更曾絕望表示：「我呢種人物好難識人，都是人揀我，多過我揀人！」

 
MASTAMIC同女友Kathy同居於南丫島橫塱村屋，月租約6千5，做緊藝穗會公關嘅Kathy絕對負擔得起。

後台互劈
Dry足兩年，本刊發現下月將舉行3場talk騷《戴錯嘢夫人》的陳淑莊，近日身邊有不同男士輪流相陪，桃花極旺，其中與26歲rapper MASTAMIC更特別啱嘴形。據知兩人因早前籌備《戴》劇認識，上月MASTAMIC參與一個大型band騷，陳淑莊專程前往捧場，更帶備幾支紅酒贈興。「嗰晚Tanya帶咗三支紅酒入場，個騷開始冇幾耐已經自隊，後來俾個『食蕉』鬧，佢咪惟有返入後台再劈過囉，馬米（MASTAMIC）一唔使上台就陪埋佢飲，兩個企埋一邊吹水飲酒，不知幾high！」據現場人士透露。

踩場示威
雖然陳淑莊與MASTAMIC年齡相差14年，但兩人非常投契，更在talk騷中合作rap一首歌〈戴錯嘢夫人〉。「Tanya好欣賞馬米嘅音樂才華，佢知馬米喺中環藝穗會有個地方做嘢，一得閒或者喺立法會開完會就走上去話度橋，一傾就傾幾粒鐘，講到天黑都唔願走！」啱傾無罪，弊在MASTAMIC有個同樣大過自己，現年約40歲的正印女友Kathy Chan，現於藝穗會做公關。「Tanya成日走上去搵馬米，仲傾到唔願走，佢女友坐正隔籬梗係睇到眼火爆啦！話晒嗰度都係Kathy主場，見到有第二個女人咁樣傾法，實會唔開心！」知情人士透露。

愛黐音樂人
同MASTAMIC勁啱傾，原來陳淑莊（右二）同其他音樂人亦相當熟絡，早前同林敏驄（左一）、野仔樂隊成員小胡（右一）齊齊食飯慶祝柳俊江（左二）生日。議員的生活圈子都可以好闊！

 

收威脅信
度橋變談心，據知陳淑莊對MASTAMIC頗有好感，不過未夠30歲的馬米原來撇女經驗豐富，與只拍過3次拖的陳淑莊相比，簡直係食女高手。「馬米識rap，把口又啷過油，未多人識之前已經有大把女埋身，家叫做有少少名氣，就更加多女主動送上門！其實佢花心已經出晒名，而且次次都搞到好唔愉快收場，唔只一個前度send過email威脅要爆佢大鑊，試過炸爆佢電郵留言『你試吓再紅啲吖，我實爆晒你啲衰嘢出嚟！』」大把手尾跟，都夠膽繼續出去玩， 全因MASTAMIC與正印Kathy的關係原來極之低調，只有幾個密友知情；加上Kathy的對外身份，只是MASTAMIC的經理人，平時出面幫男友接騷傾價，所以戀情未被察覺。

陳淑莊：唔會避忌
「其實馬米有冇同Tanya交代清楚自己有冇女朋友，冇人知喎！佢要扮single都唔奇啦！」MASTAMIC身邊人透露。差少少變小三，陳淑莊本週一（30日）在電話中回應，表示與MASTAMIC只係朋友。「佢係一個好有心、好有talent嘅年輕人，我哋有見面，不過我同其他班底成員都有見！（知唔知佢有女朋友？介唔介意姊弟戀？）我知，但我唔識佢！我諗佢女朋友都唔信佢會搵個可以叫auntie嘅人啩！（怕唔怕俾人話你做小三？）我哋唔係合唱情歌喎！我唔會因為佢有女朋友而避忌啲咩，我哋都係喺大庭廣眾傾，為創作而做嘢，好應該啫！」而MASTAMIC正印Kathy則放緊大假冇返藝穗會，電話亦飛落留言，截稿前仍未回覆。

盛女愛百變

自爆選港姐
08年9月接受鄭經翰訪問，Tanya自爆曾經參加過92年香港小姐的首輪面試，可惜最後未能入圍，當年冠軍係李克勤老婆盧淑儀（小圖）。

長情廚房男
陳淑莊與大佢16年的英雄哥叢鐵飛（小圖），拍拖期間sweet到漏，經常連體出現，可惜兩年前分手後冇再聯絡。拍足8年甩拖，Tanya等兩年先搵第二春，唔通仲未放低？ ####


為咗下月舉行的talk騷，陳淑莊着晒戲服同MASTAMIC一齊rap，律師也瘋狂。


MASTAMIC在自己個video blog入面，拍咗段片宣傳talk騷。咁幫手，難怪身邊嘅Tanya笑得咁冧！


正印眼火爆


同居竇


匿埋隊酒 1/4 地點：九展陳淑莊親自現身捧MASTAMIC場，仲帶咗3支紅酒互隊，兩個一路聽歌一路劈紅酒，有rock星有酒精，唔high至奇啦！


上月13號，Tanya離開立法會後，即刻去IFC會合梁栢堅，兩人一見面即傾到笑晒口，好啱key咁喎！


13/4 潮詞人尊貴議員唔介意痞街邊隊啤，飲之前仲同成腳紋身嘅梁栢堅碰晒杯，兩個傾到八點天黑都唔願走。


12/4 西裝男 約梁栢堅前一晚，Tanya又同另一個西裝男行街，真係唔愁冇仔陪啦！


撐晒 Tanya上月12號舉行talk騷記招，MASTAMIC都有現身撐場。《蘋果日報》圖片


新rap星鍾意rap爆政府醜事嘅MASTAMIC，09年出道，年初同關楚耀合唱嘅政治歌〈佔領〉被網友狂讚，而佢上年創作嘅歌曲〈小人〉，當中有句「Fxxk You」，激爆！


改詞王梁栢堅曾為周國賢、C AllStar等作詞，但最出位係將Eason同千嬅名曲〈富士山下〉及〈可惜我是水瓶座〉惡搞為〈富士康下〉同〈可惜我是金牛座〉。


Tanya曾經參與多個幕前演出，兩年前曾演出過政治舞台劇《東宮西宮》，又曾扮過Lady Gaga（右），非常玩得！


‘07長 髮
07年仲同英雄哥拍緊拖，Tanya仲留住把長髮，好有女人味。
《蘋果日報》圖片


‘10剪短戴con
回復單身後，Tanya將留咗多年嘅長髮剪短，又改戴隱形眼鏡，當時連戰友余若薇都認佢唔出！《蘋果日報》圖片


‘12淡 妝
踏入女人四十，Tanya日前現身反對「網絡23條」時以超淡妝見人，雖然個樣唔係太大分別，但對眼似乎細咗啲喎！《蘋果日報》圖片



arrow
arrow
    文章標籤
    tanya kathy talk rap 立法 年前 上月 女友 避忌 女朋友
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄