娛樂八掛大放送★

回應小金姐弟戀快狠準小儀：唔排除同金剛

由台灣來港發展的 31歲過江龍金剛，憑半鹹淡廣東話、爆笑形象火速上位，感情生活多姿多采的他，繼與緋聞女友前港姐張嘉兒、台灣辣妹女友 Ashlee連環分手後，有指花弗金剛最近與 41歲的拍檔阮小儀擦出愛火，小儀昨日在電話說：「唔排除同金剛㗎！」

其他娛樂名人影片

金剛來港發展四年多，不單事業有成，連感情生活亦相當精彩，金剛繼有傳與前港姐張嘉兒拍拖四年外，數月前他在 facebook內承認與台灣辣妹 Ashlee拍拖，不過原來兩人在去年十月已經秘密分手。回復單身的金剛，不愁寂寞，最近有傳因主持無綫飲食節目《街坊廚神》與阮小儀日久生情，兩人毫不避忌公然微博傳情，又經常出雙入對。

放大圖片

金剛曾被拍到與大咪女子行街，難怪森美踢爆他只愛身材惹火的靚女。　資料圖片

放大圖片

金剛前晚與前緋聞女友張嘉兒碰面，嘉兒表示單身，金剛口花花笑言情人節可以約她。

繼續打情罵俏 放大圖片

前晚小儀突然病倒，由張嘉兒頂替為鄭裕玲的新節目錄影，十分巧合。

對於小金姐弟戀一事，金剛昨日在電視城以半鹹淡廣東話否認：「好好笑，今朝打過畀小儀，俾小儀鬧爆，話『係咪因為你紅所以俾人寫緋聞，搞到我冇仔媾』，我答佢『你都 41，我就得 31，搞到我冇女埋身，變成黃金單身漢』。」金剛透露十月時已與台灣女友分手，對於早前在 facebook內不斷怒斥前女友對他諸多誣衊之留言，金剛表示：「我係話以前女朋友嘅朋友，唔係講我以前嘅女友，當時真係好嬲，嬲至會咁講嘢，事後諗番都好後悔，我會刪除留言。」小儀昨日接受本報電話訪問時哈哈大笑否認說：「我不嬲對金剛都有好感嘅，佢係個好男仔，咁我又同佢咁 friend，佢鬧我『我仲有大把青春，家俾你累死』，我都同佢講『我冇乜青春，都俾你累死呀』。」

森美笑冇可能

記者再致電森美，他劈頭第一句即斷言：「冇可能！金剛一向只鍾情性感又有身材嘅靚女，阮小儀一樣都冇，我敢以我餘下嘅銀色旅途作賭注。」他更抵死地踢爆小儀：「我晚晚撞到小儀同四、五個男人去飲嘢，佢好多男仔㗎，醫生、律師、會計師、飛機師，乜師都有，但小儀眼角高，揀唔啱。」他更笑言會繼續嚴苛對小儀：「直到只要有個男仔肯畀啖飯佢食，佢都飯應嫁人為止。」對於被森美數落，小儀回應說：「就係因為我眼角高，所以我又點會揀呢個光頭佬金剛呢？」究竟她的擇偶條件有乜要求？她爽快地說：「傾得埋就得，所以唔排除同金剛㗎，但現階段一定唔係。」採訪、攝影：陳玉琼、何慧斯、楊潔雯


41歲的小儀與 31歲的金剛十分合拍，最近有傳兩人因拍《街坊廚神》撻着愛火。　資料圖片

金剛撩張嘉兒結婚

回復單身的藝員金剛與阮小儀傳拍拖，昨日他說：「睇到報道笑咗出嚟！」又自爆致電小儀時被鬧：「佢話我搞到冇男人敢埋佢身，我即刻話佢41歲、我31歲，係佢搞到冇女埋我身！」對於被指罵舊愛，他只承認於社交網站罵舊愛的朋友。桃花旺盛的他，前晚與緋聞女友張嘉兒錄影節目時大方合照，又笑說：「約吓幾時結婚啦！」另外，昨日錄影同一節目的高海寧透露開了人民幣戶口：「如果人民幣貶值，每日只可以拎兩萬蚊，唔知要拎幾多日。」又透露其父是雷曼苦主。

自稱「黃金單身漢」的金剛，與緋聞女友張嘉兒合作冇尷尬。