巨肚超標 黎姿緊急入院
自宣佈陀孖胎後，39歲的黎姿身材三級跳，在特級冬蟲草、花膠王等名貴補品催谷下，傳最新體重高達180磅，坐擁 40吋巨肚，比有喜前足足超標80磅。
雖然下個月初先係預產期，但日前卻傳出黎姿提早入院的消息，連日來記者多次到由生仔聖手何永超醫生掛單的半山嘉諾撒醫院，發現位於2樓的產房如臨大敵，對於黎姿是否已入院，護士一律封口。
為儘快完成生3個的心願，去年初成為馬太後，黎姿火速豪擲30萬請來何永超醫生進行人工受孕，於去年10月榮升準媽咪行列，至本年3月好友蔡加敏踢爆黎姿唔止有喜，仲要係陀孖胎，更有傳言指係龍鳳B。
黎姿一擊即中，出名錫老婆的馬廷強當然開心，有指為獎勵太太，馬生送樓、送車、送遊艇，禮物合計過億，出手闊綽，不過講金之餘，最緊要都係講心。
「陀孖胎始終比陀一個麻煩，而且GiGi已經39歲，馬生梗緊張啦！自從有之後，馬生儘量減少工作同應酬，經常留屋企陪老婆。」知情人稱。
有老公全天候陪伴，難怪每次黎姿出巡例必笑容滿面，心情大靚。
百萬進補
由於孖胎關係，母體營養一分三，為怕BB唔夠營養，黎姿早晚兩餐都會食由特級冬蟲草、花膠王、頂級血燕炮製的補品，每服價值近萬元，一日兩劑，單係進補費已花逾百萬。
在名貴中藥催谷下，黎姿的體重從有喜前標準100磅，傳近日急升至180磅，巨肚足足有成40吋，雖知道張芝生Quintus時都係得140磅咋，多一個重40磅，可見黎姿身形名副其實係重量級。
體重超標且屬高齡產婦，為安全計理應少出街，但愛弟情切的黎姿，仍多次被發現到銅鑼灣黎嬰的皮膚護理中心巡視業務，代弟返工。雖然係大膽，但老公不僅冇詐型，更請來4名菲傭、2名看護傍實黎姿。
及至本週，本刊收到消息指，有人目擊相信是黎姿的孕婦在看護、菲傭陪同下，帶住幾袋物品現身半山舊山頂道嘉諾撒醫院，當日位於2樓的產房如臨大敵，護士紛紛出動，更有保安阻止閒雜人等上2樓。
據知，雖然之前曾傳出黎姿計劃到澳洲待產的消息，但由於始終唔放心細佬間診所，故最後決定留香港，「之前馬生有諗過去養和，貪度設備先進，但GiGi睇開何醫生唔想轉，所以Book嘉諾撒間豪華套房半個月，就算BB早出世都冇問題。」知情人續稱。
05年重新裝修後，嘉諾撒只有一間豪華套房，且幾乎全年爆滿，以每晚房租5千蚊，住半個月計，再加醫生費、雜費，埋單最少20萬。
護士緊張
為查證黎姿入院真偽，連日來記者多次到醫院視察，發現2樓產房比其他樓層戒備森嚴，在豪華套房更加裝密碼鎖，又有保安定期巡視，「之前豪華套房都冇密碼鎖，大約係呢一個月先加裝，我都唔知發生咩事，可能係有重要人物住。」醫院職員透露。
神秘入院久未露面的黎姿，近日有人發現其帶同物品到嘉諾撒醫院。圖為黎姿月前逛商場的情形。
新密碼鎖在豪華病房加裝密碼銷，保證唔使俾閒人騷擾，保安嚴密。
新密碼鎖在豪華病房加裝密碼銷，保證唔使俾閒人騷擾，保安嚴密。
黎姿懷雙胞胎身材三級跳 巨肚超標緊急入院
自宣布懷雙胞胎後，39歲的黎姿身材三級跳，在特級冬蟲草、花膠王等名貴補品滋補下，傳最新體重高達163斤，坐擁40吋巨肚，比有喜前足足超標72斤。
雖然下個月初才是預産期，但日前卻傳出黎姿提早入院的消息，連日來記者多次到由生仔聖手何永超醫生出診的半山嘉諾撒醫院，發現位于2樓的産房如臨大敵，對于黎姿是否已入院，護士一律封口。
留言列表
{{ article.title }}
