o靚模搶「峰」頭，招數愈來愈激，「翻版徐子淇」Debby竟以身試法，上載自製半夜街頭被「撕」暴片段上網，惹全城圍插，媽咪級名模馬詩慧激動鬧爆：「道德淪亡！」

身為媽咪的馬詩慧鬧爆o靚模教壞細路。（資料圖片）

書展高調禁絕o靚模搞簽名會後，眾女施奇招搶人氣谷書，明抄日本妄攝概念拍寫真集的「翻版徐子淇」曾麗儀（Debby），竟以身試法，YouTube上載自己半夜街頭被陌生男子「撕」暴片段，39秒影片中，穿白色T恤的Debby深夜單獨在觀塘街頭步行，突然被迎面而來的男子扯去T恤後逃去，剩下穿Bra的她坐在地上無援地流淚。黃國桐律師表示該片涉觸犯淫褻及不雅條例，上載者隨時罰錢坐監，疑因意識不良即被網站刪除。

媽咪級前輩名模馬詩慧怒斥：「道德淪亡！呢條片意識不良，網上任睇，好易被細路有樣學樣。不但對下一代造成不良影響，呢啲女仔年紀再大仲有乜露？佢哋要反省！」名模陳嘉容亦大鬧：「好核突，引人犯罪咩？有冇諗過父母和朋友感受？」袁彌明說：「做女仔無需要做到咁？我驚佢哋嫁唔出。明明就係歪風，冇藉口撐！」才女白韻琹認為Debby為求出位不顧後果，她說：「被人撕衫鼓吹暴力，教壞細路，呢個道理好易明，唔使諗都知！」而周汶錡則謂不關自己事不作回應。

Debby（右）與Kinki經常有出位舉動，當眾玩扯Bra。

周汶錡不作回應。

陳嘉容指片段核突。（資料圖片）

不過杜汶澤卻說：「o靚模都係一份工，事件反映到搵食艱難。我只可以講佢宣傳手法好夠創意。（過火？）呢個係供求問題，有咩觀眾就有咩Artists。觀眾近年鍾意睇咩，咩口味大家都睇到啦。公司唔登廣告，又點會有人嚟見工呢，供求問題。」

莊思敏認為度橋的人有問題。（資料圖片）

Cat專攻性感喱士Bra。

Debby死撐博宣傳

雖然遭全城圍剿，Debby經理人Sunny仍死撐影片不過火，他說：「唔過火，既然抄得日本妄攝，唔爭在抄埋日本共犯非禮條橋，當地好興好流行，明抄日本！冇簽名會嘛，各出奇謀，遲啲我哋會喺西洋菜街賣Tee，啲Tee會印咗佢哋妄攝啲相，有fans支持㗎！」而「女主角」Debby更天真地說：「我只係想宣傳，唔明點解要被刪除！網上好多影片啲女仔都係只穿胸圍底褲，我冇佢哋咁性感添！」

莊思敏斥神經病

Debby與經理人死撐犯法都只是為宣傳，辣㷫一眾前輩名模，同樣被禁的莊思敏說：「神經病！諗呢條橋嘅人好有問題，佢哋咁做即係話畀政府聽禁o靚模係正確！我出遊記都被拒搞簽名會，咁咪考慮租其他地方嚟搞。」

此外，日前Debby與「翻版李嘉欣」陳雅絲（Cat）和32C林玲（Kinki）被專賣日本內衣品牌邀請拍廣告，在店裏試內衣時玩扯bra，之後Debby賣口乖喜歡顏色鮮艷日式內衣。至於曾被傳隆胸和整容的「翻版李嘉欣」Cat專攻性感喱士Bra，雙峰堅挺視地心吸力如無物，她說：「唔解釋，總之靚就得啦！」

o靚模最爆指數

愈來愈多o靚模加入寫真戰，令今年的書展競爭更加激烈。不少o靚模為求突出自己，紛紛諗計出招，部分招數更非常過火。

周秀娜為保寫真女神地位，今年新書除了食腸仔外，更大玩3D洞房，令讀者第一身角度看得更熱血沸騰。

「浸大E神」Carol自爆睇鹹書學擺寫真甫士，內容除着三點式含波板糖外，更將冰粒放在胸上，引死宅男。

「浸大E神」Carol

新八模寫真內容大膽，她們為求在寫真戰出位，不惜露肉行內衣騷，據知她們打算邊行邊飲奶宣傳。

新八模孖師姐飲奶行bra騷

除一班「妄攝女」激玩內衣外，據知周秀娜亦將於七月中率領一班新八模師妹行「bla bla bra」內衣騷，並會一邊行一邊飲奶，挑戰Catwalk Show的終極底線！日前新八模成員到內衣店試身，惟周秀娜因工作在身缺席，不過一班師妹仍做足準備工夫，帶備「缽仔糕」谷行「事業線」，身材最勁的Suki（黃雪瑩）表示不怕走光，她說：「呢個係一個好大型嘅騷，會做足安全措施，大家仲會一路行一路拎住公仔同氣球。」

Suki（左）與Vibeke試毛毛bra。

鬼妹仔性格的Rika（王麗嘉）試內衣時表現興奮，左扭右擰完全唔怯場；Vibeke（馬卓寧）更拿起T-back內褲仔細研究，並賣口乖說：「呢啲款好靚，着起嚟夠舒服，啱晒年輕少女嘅形象。」反而Hidy（余曉彤）則較保守，只揀選睡衣拼上身。

Rika（左）為Hazel整理bra邊。

Jeana換上內衣後擺甫士拍照。

浸大E神受壓禁會男友

「浸大E神」Carol（楊梓瑤）人紅是非多，一直自稱感情空白的她突然被爆做第三者，硬搶另一位model的有米男友，Carol昨日承認蜜運中，但否認同人爭仔，她說：「個女仔的確係同我男朋友拍過拖，但已經係年幾前嘅事，唔怕同佢對質。其實我哋拍拖冇耐，今年生日（6月23日）先開始，依家都好大壓力。」

Carol承認蜜運中，但不擔心激嬲宅男fans，認為大家會通情達理。（資料圖片）

Carol坦言模特兒公司施壓，不准兩人見面，她說：「依家有好多狗仔隊跟蹤，公司話明要過埋書展先可以見面出街，惟有靠講電話同send訊息保持聯絡。」問到可擔心宅男fans失望？她說：「依家啲fans好通情達理，我亦會全心全意做好本寫真宣傳。」此外，Carol對被質疑住公屋，她在微博中留言以示不忿：「住公屋有問題嗎？我從沒說過出身在小康之家。出身低微就不用養家？」